ایس ایس پی ملیر را ؤانوار پر خودکش حملے کی ذمہ داری طالبان نے قبول کرلی

حملہ کالعدم تحریک طالبان کے کے ٹی ایس گروپ نے کیا ،حملہ آور کی تصویر بھی جاری کردی ہے ،راؤ انوار

بدھ 17 جنوری 2018 17:01

کراچی (اُردو پوائنٹ اخبارتازہ ترین - این این آئی۔ 17 جنوری2018ء) ایس ایس پی ملیر را ؤانوار پر خودکش حملے کی ذمہ داری طالبان نے قبول کرلی ہے ۔تفصیلات کے مطابق کراچی کے علاقے ملیر میں ایس ایس پی را انوار پر ہونے والے خود کش حملے کی ذمے داری کالعدم تحریک طالبان پاکستان نے قبول کرلی ہے۔ ایس ایس پی ملیر راؤ انوار نے بتایا کہ حملہ کالعدم تحریک طالبان کے کے ٹی ایس گروپ نے کیا اور طالبان کی جانب سے حملہ آور کی تصویر بھی جاری کردی گئی ہے۔

(جاری ہے)

گزشتہ روز ایس ایس پی راؤ انوار کی گاڑی کے قریب خود کش حملہ آور نے خود کو دھماکے سے اڑا لیا تھا۔ راؤ انوار سیکیورٹی کے پیش نظر بکتربند گاڑی میں تھے جس کی وجہ سے وہ محفوظ رہے جب کہ پولیس نے برقت کارروائی کرتے ہوئے خودکش بمبار کے 2 ساتھیوں کو فائرنگ کے تبادلے میں ہلاک کردیا تھا، جبکہ اس واقعے میں کوئی پولیس اہلکار زخمی نہیں ہوا۔واضح رہے 2015 میں بھی راؤ انوار پر قاتلانہ حملہ ہوا تھا جس میں وہ محفوظ رہے جب کہ پولیس نے جوابی کارروائی کرتے ہوئے 5 دہشت گردوں کوہلاک کردیا تھا۔