بھارت کو کسی دوسرے ملک کے ساتھ مل کر پاکستان کے خلاف عزائم کا منہ توڑ جواب ملے گا،

بھارتی آرمی چیف اپنی غلط فہمی کو دور کر لیں، وزیر خارجہ خواجہ محمد آصف

بدھ 17 جنوری 2018 15:38

بھارت کو کسی دوسرے ملک کے ساتھ مل کر پاکستان کے خلاف عزائم کا منہ توڑ ..

اسلام آباد ۔ (اُردو پوائنٹ اخبارتازہ ترین - اے پی پی۔ 17 جنوری2018ء) وزیر خارجہ خواجہ آصف نے کہا ہے کہ بھارت کو کسی دوسرے ملک کے ساتھ مل کر پاکستان کے خلاف عزائم کا منہ توڑ جواب ملے گا، بھارتی آرمی چیف اپنی غلط فہمی کو دور کرلیں، نیشنل سکیورٹی کونسل کا اجلاس معمول کے مطابق ہوتا رہتا ہے۔

(جاری ہے)

بدھ کو پارلیمنٹ ہائوس کے باہرمیڈیا سے گفتگوکرتے ہوئے وزیر خارجہ نے کہا کہ نیشنل سکیورٹی کونسل کا اجلاس معمول کے مطابق ہوتا رہتا ہے جس میں مشرقی سرحد پر جو خلاف ورزیاں ہورہی ہیں، اس ساری صورتحال پر بات چیت ہوتی رہتی ہے، اللہ کے فضل وکرم سے بھارت کو کسی دوسرے ملک کے ساتھ مل کر پاکستان کے خلاف عزائم کا پاکستان کی طرف سے بھرپور جواب ملے گا۔

وزیر خارجہ نے کہا کہ بھارتی آرمی چیف کو غلط فہمی ہے، وہ اپنی غلط فہمی کو دور کر لیں۔