بھارتی فوج کی فائرنگ سے پاک فوج کا شہیدجوان ملک ندیم اعوان آبائی گائوں سنگولہ میں سپرد خاک

بدھ 17 جنوری 2018 15:03

راولاکوٹ(اُردو پوائنٹ اخبارتازہ ترین - آئی این پی۔ 17 جنوری2018ء) ایک اور محافظ دھرتی ماں پر قربان ،بھارتی فوج کی فائرنگ سے سنگولہ گائوں سے تعلق رکھنے والا پاک فوج کا اہلکار ملک ندیم اعوان شہید آبائی گاوں میں سپرد خاک ۔نکیال آزاد کشمیر کے علاقے جندروٹ میں مواصلاتی تنصیب کے دوران بھارتی فائرنگ سے چار پاک فوج کے جوان شہید ہوئے شہید ہونے والوں میں راولاکوٹ کے گاوں سنگولہ آگرہ سے تعلق رکھنے والا والدین کا اکلوتا بیٹا ندیم اعوان بھی شامل ہے ۔

(جاری ہے)

ندیم اعوان پانچ بہنوں کااکلوتا بھائی تھا وہ محکمہ داخلہ ( شعبہ شناختی کارڈ) کے سابق ملازم کریم اعوان مرحوم کا اکلوتا بیٹا تھا ۔ندیم اعوان کی نماز جنازہ آبائی گاوں آگرہ میں ادا کی گئی اس موقع پر سخت رقت آمیز مناظر دیکھنے ملے شہید ندیم اعوان کو فوجی اعزاز کے ساتھ آگرہ سنگولہ میں سپر دخاک کیا گیا ۔پاک فوج کے دستے نے شہید کی میت کو سلامی دی شہید کو گارڈ آف آنر پیش کرنے کے بعد سپردخا ک کیا گیا اعلی فوجی حکام اور حکومت آزاد کشمیر کی طرف سے شہید کی قبر پر پھولوں کی چادریں چڑھائیں ۔