پیپلز پارٹی میں ایک دھیلے کی بھی فارن فنڈنگ نہیں ہوئی‘ قصور واقعے پر شہباز شریف کو مستعفی ہوجانا چاہئے‘لطیف کھوسہ

پیر 15 جنوری 2018 20:47

اسلام آباد (اُردو پوائنٹ اخبارتازہ ترین - این این آئی۔ 15 جنوری2018ء) پیپلز پارٹی کے رہنما لطیف کھوسہ نے کہا ہے کہ پیپلز پارٹی میں ایک دھیلے کی بھی فارن فنڈنگ نہیں ہوئی‘ قصور واقعے پر شہباز شریف کو مستعفی ہوجانا چاہئے‘ خادم اعلیٰ کے کارکردگی کے سارے دعوے ہوا ہوگئے ہیں۔

(جاری ہے)

پیر کو الیکشن کمیشن کے باہر میڈیا سے گفتگو کرتے ہوئے لطیف کھوسہ نے کہا کہ یکم فروری کو جواب پر دلائل دیں گے۔ پیپلز پارٹی میں ایک دھیلے کی بھی فارن فنڈنگ نہیں ہوئی اس تحریک سے نواز شریف کو پتہ لگ جائیگا۔ خادم اعلیٰ کی کارکردگی کے دعوے ہوا ہوگئے ہیں شہباز شریف کو قصور واقعے کے بعد مستعفی ہوجانا چاہئے۔