خاموش رہنے کیلئے 100 ملین ڈالرز کی آفرہوئی ،ْعمران خا ن کا دعویٰ

پی ٹی آئی واحد جماعت ہے جس نے کبھی اسٹیبلشمنٹ سے مدد نہیں لی ،ْ چیئر مین پی ٹی آئی

اتوار 14 جنوری 2018 15:52

خاموش رہنے کیلئے 100 ملین ڈالرز کی آفرہوئی ،ْعمران خا ن کا دعویٰ

اسلام آباد(اُردو پوائنٹ اخبارتازہ ترین - این این آئی۔ 14 جنوری2018ء) پاکستان تحریک انصاف کے چیئر مین عمران خان نے ایک بار پھر دعویٰ کیاہے کہ پاناما کیس میں خاموش رہنے کیلئے 100 ملین ڈالرز کی آفرہوئی۔غیرملکی میڈیا کو دیئے گئے ایک انٹرویو میں عمران خان نے ایک بار پھر یہ دعویٰ کیا کہ انہیں پاناما کیس میں خاموش رہنے کیلئے 100 ملین ڈالرز کی آفر کی گئی تھی اور جانتے ہیں کہ یہ آفر کس نے کی۔

(جاری ہے)

انہوں نے کہا کہ نوازشریف کو بھی گڈ بائی کہا جارہا ہے اور وہ اب کبھی سیاست میں حصہ نہیں لے سکیں گے،جیل انکی راہ تک رہی ہے۔عمران خان نے کہا کہ آرمی چیف نے مارشل لاء کے امکان کی تردید کی ہے، یہ الزامات شریف پارٹی ہی لگاتی ہے کیونکہ نوازشریف خود مارشل کی پیداوار ہے۔ انہوں نے کہا کہ پی ٹی آئی واحد جماعت ہے جس نے کبھی اسٹیبلشمنٹ سے مدد نہیں لی۔انہوں نے کہا کہ توہین رسالت کا قانون بہت اہم ہے، اصل مسئلہ اسکا غلط استعمال ہے۔