کریم نے پاکستان کے 3 بڑے شہروں میں اپنے کرائے بڑھا دیے
تازہ ترین : 1

کریم نے پاکستان کے 3 بڑے شہروں میں اپنے کرائے بڑھا دیے

کریم کی جانب سے یہ فیصلہ حکومت پاکستان کی جانب سے پیٹرولیم مصنوعات کی قیمتوں میں اضافے کے بعد کیا گیا

کریم نے پاکستان کے 3 بڑے شہروں میں اپنے کرائے بڑھا دیے
اسلام آباد (اُردو پوائنٹ اخبارتازہ ترین۔ 13 جنوری2018ء)کریم نے فوری طور پر کراچی، لاہور اور اسلام آباد میں اپنے کرایوں میں اضافہ کیا ہے۔کریم کی جانب سے یہ فیصلہ حکومت پاکستان کی جانب سے پیٹرولیم مصنوعات کی قیمتوں میں اضافے کے بعد کیا گیا۔تفصیلات کے مطابق کریم کی جانب سے بھیجی گئی ای میل میں کہا گیا کہ پیٹرولیم مصنوعات قیمتوں میں اضافے کی وجہ سے ان کے ڈرائیورز بلاواسطہ یا بلواسطہ متاثر ہو رہے ہیں، جس کے باعث کراچی، لاہور اور اسلام آباد میں کرایوں میں اضافے کا فیصلہ کیا گیا ہے۔

کمپنی نے اپنے اس فیصلے کو صارفین کو بہتر سہولیات فراہم کرنے کا سبب بھی قرار دیا۔اگرچہ ای میل میں یہ نہیں بتایا گیا کہ کرایوں میں کتنے فیصد اضافہ کیا جا رہا ہے، تاہم مجموعی طور پر کریم کی تمام سروسز پر 20 سے 50 روپے تک کا اضافہ کیا گیا ہے۔ کرایو میں اضافے کے بعد ’کریم گو‘ کا اسلام آبادی کا بنیادی کرایہ 85 روپے، جب کہ لاہور اور کراچی کا 75 روپے کردیا گیا، اسی طرح ’گو‘ کے دیگر کرایہ جات میں بھی اضافہ کردیا گیا۔

اسی طرح ’کریم بزنس‘ کا اسلام آباد کا بنیادی کرایہ بڑھا کر 160 روپے، جب کہ کراچی کا بھی 160 اور لاہور کا 200 روپے کردیا گیا، اسی طرح ’بزنس‘ کے دیگر کرایہ جات میں بھی اضافہ کردیا گیا۔ ’کریم ٹیکسی‘ کا اسلام آباد کا بنیادی کرایہ بڑھا کر 35 روپے کرکے اس کے دیگر کرایوں میں بھی اضافہ کردیا گیا، دارالحکومت میں ’کریم بائیک‘ کا ابتدائی کرایہ 30 روپے کردیا گیا۔لاہور میں ’کریم بائیک‘ کا بنیادی کرایہ بڑھا کر 25 روپے، جب کہ ’کریم تیز‘ کا کرایہ بڑھا کر 15 روپے کردیا گیا، ان دونوں سروسز کے دیگر کرایوں میں بھی اضافہ کیا گیا ہے۔کراچی میں ’کریم بائیک‘ کا بنیادی کرایہ 30 روپے، جب کہ ’کریم تیز‘ کا کرایہ 15 روپے کرکے ان دونوں سروسز کے کرایوں میں بھی اضافہ کردیا گیا۔
وقت اشاعت : 13/01/2018 - 21:28:00

اس خبر پر آپ کی رائے‎

Karim raises his taxes in 3 major cities of Pakistan The decision was made by the government by the government of Pakistan, after increasing the prices of petroleum products

Karim has increased his rent in Karachi, Lahore and Islamabad immediately. This decision was taken by the government after the increase in prices of petroleum products by the government of Pakistan. According to details, it was sent by cream The e-mail said that due to the increase in petroleum products prices, their drivers are affected indirect or indirectly, due to which rent has been decided in Karachi, Lahore and Islamabad.