وزیراعلیٰ پنجاب سے ترکی کے پہلے قونصل جنرل سردار ڈینیزکی الوداعی ملاقات، انکے ..
تازہ ترین : 1

وزیراعلیٰ پنجاب سے ترکی کے پہلے قونصل جنرل سردار ڈینیزکی الوداعی ملاقات، انکے مستقبل کیلئے نیک تمناؤں کا اظہار

پاکستان اور ترکی کے مابین تعلقات بھائی چارے، اخوت اور برادرانہ رشتوں میں پروئے ہوئے ہیں،شہبازشریف شہبازشریف نے پاک ترک تعلقات کے فروغ کیلئے بہت محنت سے کام کیا ہے،ترک قونصل جنرل

وزیراعلیٰ پنجاب سے ترکی کے پہلے قونصل جنرل سردار ڈینیزکی الوداعی ملاقات، ..
لاہور(اُردو پوائنٹ اخبارتازہ ترین۔ 13 جنوری2018ء)وزیراعلیٰ پنجاب محمد شہبازشریف سے ہفتہ کو لاہور میں تعینات ترکی کے پہلے قونصل جنرل سردار ڈینیز نے الوداعی ملاقات کی،وزیراعلیٰ نے پاک ترک تعلقات کے فروغ کیلئے بھرپور کردار ادا کرنے پر ترکش قونصل جنرل سردار ڈینیز کو خراج تحسین پیش کیا اوران کے مستقبل کیلئے نیک تمنائوں کا اظہار کیا۔وزیراعلی شہبازشریف نے ترک قونصل جنرل سے گفتگو کرتے ہوئے کہا کہ پاکستان اور ترکی کے درمیان تعلقات کے فروغ کے لئے آپ نے موثر انداز میں کام کیا ہے اورآپ ہمارے دلوں میں ہمیشہ یاد رہیں گے،انہوںنے کہا کہ پاکستان اور ترکی کے مابین تعلقات بھائی چارے، اخوت اور برادرانہ رشتوں میں پروئے ہوئے ہیں۔

دونوں ملکوں کے عوام کے دل ایک ساتھ دھڑکتے ہیںاورمحبت اور خلوص کے یہ رشتے دلوں کے رشتے ہیں، ترکی نے مشکل کی ہر گھڑی میں پاکستان کابھرپور ساتھ دیا ہے، سیلاب ہو یا زلزلہ یا کوئی اور قدرتی آفت، ترکی پاکستان کیساتھ شانہ بشانہ کھڑا رہا ہے۔ انہوںنے کہا کہ امریکی صدر کے پاکستان کے خلاف حالیہ بیان پر بھی ترکی نے سب سے پہلے پاکستان کا ساتھ دیا، ترکی کی کئی کمپنیاں پاکستان خصوصاً پنجاب میں مختلف شعبوں میں کام کر رہی ہیں، گزشتہ چند برس سے بھائی چارے کا یہ رشتہ معاشی تعاون اور دو طرفہ تجارت میں بدل رہا ہے اورمعاشی تعاون کے باعث دوستی کا یہ لازوال رشتہ مزید مستحکم ہوا ہے۔

انہوںنے کہا کہ ترکی کے صدر رجب طیب اردوان، وزیراعظم اور دیگر قیادت نے ہمیشہ پاکستان کو تعاون فراہم کیا ہے اورہم آپ کے مستقبل کیلئے دعاگو ہیں،آپ نے لاہور میں قونصل جنرل کے طور پر احسن طریقے سے اپنی ذمہ داریاں نبھائیں، ترک قونصل جنرل سردار ڈینیز نے اس موقع پر گفتگو کرتے ہوئے کہا کہ ہمیں 2 برس لاہور میں قونصل جنرل کے عہدے پر رہا ہوںاوروزیراعلیٰ شہبازشریف نے ہر موقع پر مجھے بہت سپورٹ کیا،لاہور میں گزارے گئے دن زندگی کے بہترین دن ہیں۔

لاہور کی خوشگوار یادیں میری زندگی کا اثاثہ ہیںاورلاہور میں گزارے گئے دنوں کی خوشگوار یادیں ہمیشہ یاد رہیں گی۔ انہوںنے کہا کہ آپ نے ہمیشہ محبت اور بہت احترام دیا اورمیں آپ کی تہہ دل سے عزت کرتا ہوں۔انہوںنے کہا کہ آپ پاکستان کے ایک مدبر سیاستدان ہیںاورآپ نے پاک ترک تعلقات کے فروغ کیلئے بہت محنت سے کام کیا ہے، ترکی کی قیادت آپ کو انتہائی قدر کی نگاہ سے دیکھتی ہے۔

لاہور میں تعیناتی کا دور میرے کیرئیر کا شاندار دور ہے اورمیں نے لاہور میں شاندار وقت گزارا اوریہ شہر زندگی سے بھرپور شہر ہے۔وزیر ریلویز خواجہ سعد رفیق، صوبائی وزیر منصوبہ بندی و ترقیات ملک ندیم کامران، وائس چیئرمین پنجاب سرمایہ کاری بورڈ، خواجہ احمد حسان اور متعلقہ حکام بھی اس موقع پر موجود تھے۔

مزید متعلقہ خبریں پڑھئیے‎ :

وقت اشاعت : 13/01/2018 - 21:16:31

اس خبر پر آپ کی رائے‎

Chief Minister of Turkish Turkish Consulate Danezki farewell meeting, expresses good wishes for his future Shahbaz Sharif, brother of brotherhood and brotherhood relations between Pakistan and Turkey Shahbaz Sharif has worked hard to promote Pak-Turkish relations, Turkish Consul General

Chief Minister of Punjab, Sardar Danes, appointed by Chief Minister Punjab Muhammad Shahbaz Sharif on Saturday, met Chief Minister, General Danzes, Chief Minister, tribunal to the Turkish Consulate Danes, to play a full role in promoting Pak-Turkish relations. Expressed

Related : Chief Minister Punjab, Punjab, Turkey