رومان رئیس نے ون ڈے کرکٹ کی 47سالہ تاریخ کا ان چاہا ریکارڈ اپنے نام کرلیا

ڈیونیڈن(اُردو پوائنٹ اخبارتازہ ترین - آن لائن۔ 13 جنوری2018ء) قومی ٹیم کے فاسٹ بالر رومان رئیس نے ون ڈے کرکٹ کی 47سالہ تاریخ کا ان چاہا ریکارڈ اپنے نام کرلیا۔نیوزی لینڈ کیخلاف تیسرے ون ڈ ے میں پاکستانی بیٹنگ لائن اپ خزاں کے پتوں کے طرح بکھر گئی اور پوری ٹیم محض74رنز بنا کر پوویلین لوٹی،حیرت انگیز طور پر پاکستان کی جانب سے 11ویں نمبر پر بلے بازی کرنے کیلئے آنے والے رومان رئیس اننگز کے سب سے زیادہ رنز بنانے والے کھلاڑی بنے اور 16رنز بنا آئوٹ ہوئے ،وہ ون ڈے کرکٹ میں نمبر 11کے کھلاڑی کی جانب سے اپنی ٹیم کی اننگز میں سب سے بڑا انفرادی سکور کرنے والے 7ویں بلے باز بنے ہیںاور16سال پرانا ریکارڈ بھی توڑا ہے ،ون ڈے کرکٹ کی47سالہ تاریخ میں کوئی بھی کھلاڑی آج تک اتنے کم سکور کے ساتھ اپنی ٹیم کی اننگز کا سب سے بڑا انفرادی سکور کرنے والا کھلاڑی نہیں بنا ہے ۔

(جاری ہے)

اس سے قبل سابق ویسٹ انڈین فاسٹ بالر جوئیل گارنر نے 1983میں بھارت کیخلاف37رنز بنائے تھے،کرس پرنگل نے 1994میںویسٹ انڈیز کیخلاف34رنز بنائے،کینیا کے اونگونڈو نے 2001میں ویسٹ انڈیز کیخلاف36رنز کی اننگز کھیلی،نیوزی لینڈ کے شین بانڈنی2002میں آسٹریلیا کیخلاف26رنز بنائے،پاکستان کے شعیب اختر نی2003کے ورلڈ کپ میں انگلینڈ کیخلاف میچ میں 43رنز سکور کیے جبکہ پاکستان ہی کے محمد عامر نے 2016میں انگلینڈ کیخلاف 58رنزکی اننگز کھیلی تھی۔۔