ڈبلیو ٹی اے ٹینس ، اینجلیک کربر سیمی فائنل میں پہنچ گئیں

ایونٹ کے اہم میچ میں جرمن کھلاڑٰی نے سلوواکیہ کی ڈومینیکا کو شکست دے کر سیمی فائنل کا ٹکٹ کٹوایا

جمعہ 12 جنوری 2018 21:44

ڈبلیو ٹی اے ٹینس ، اینجلیک کربر سیمی فائنل میں پہنچ گئیں

سڈنی (اُردو پوائنٹ اخبارتازہ ترین - آن لائن۔ 12 جنوری2018ء) آسٹریلیا میں ڈبلیو ٹی اے ٹینس ٹورنامنٹ کے کوارٹر فائنل میں جرمنی کی اینجلیک کربر نے سلوواکیہ کی ڈومینیکا کو ہرا کر سیمی فائنل کا ٹکٹ کٹوا لیا ہے۔

(جاری ہے)

سڈنی ٹینس ٹورنامنٹ کے کوارٹر فائنل میں جرمنی کی اینجلیک کربر اور سلوواکیہ کی ڈومینیکا مد مقابل ہوئیں، جرمن کھلاڑی نے شاندار فارم کا تسلسل جاری رکھا اور اپنی حریف کو جم کر کھیلنے کا موقع نہ دیا۔انہوں نے پہلا سیٹ با آسانی چھ ایک سے جیتا، دوسرے سیٹ میں بھی وہ سلوواکین پلیئر پر حاوی رہیں، انہوں نے دلچسپ کھیل کے بعد چھ تین سے فتح سمیٹی، اس جیت کے بعد وہ ایونٹ کے سیمی فائنل میں پہنچ گئی ہیں۔۔