اسنیپ چیٹ کا نیا ڈیزائن صارفین کو متاثر کرنے میں ناکام

جمعہ 12 جنوری 2018 21:34

لندن(اُردو پوائنٹ اخبارتازہ ترین - آن لائن۔ 12 جنوری2018ء)حال ہی میں اسنیپ چیٹ کا نیا ڈیزائن متعارف کیا گیا، جسے صارفین نے مسترد کرتے ہوئے اپنی ناپسندیدگی کا اظہار ٹوئٹر پر کیا۔یاد رہے کہ گزشتہ برس اکتوبر میں اسنیپ چیٹ نے ایپ کا نیا ڈیزائن اًپ ڈیٹ کرنے کا اعلان کیا تھا جسے گیارہ جنوری کو کینیڈا، لندن اور امریکا کے صارفین کے لیے متعارف کیا گیا۔

نئے ڈیزائن میں سب سے بڑی تبدیلی یہ کی گئی کہ اسٹوری پیج کو ختم کرکے مزید ایلگوم ریتھمز شامل کردیئے گئے اور اب صارفین اپنی اسنیپ چیٹ اسٹوریز کھولتے ہی بائیں جانب دیکھ سکتے ہیں۔

(جاری ہے)

اسنیپ چیٹ میں یہ تبدیلی خاص طور پر سوشل میڈیا کا زیادہ استعمال کرنے والے صارفین اور مشہور شخصیات کے لیے کی گئی ہے تاکہ ان کے فولوورز میں اضافہ ہو۔تاہم اسنیپ چیٹ صارفین ان تبدیلیوں سے نا خوش نظر آئے اور متعدد لوگوں نے اس کا پرانا ڈیزائن واپس لانے کا مطالبہ کردیا۔

صارفین کا کہنا ہے کہ نئے ڈیزائن میں لوگوں کی اسٹوریز تلاش کرنا مشکل ہے اور اس کی کوئی منطق سمجھ نہیں آرہی ہے۔کینیڈا کے کچھ طالب علموں کا کہنا تھا کہ نئی تبدیلیوں کے بعد اب کچھ سمجھ نہیں آرہا اور نہ ہی اس کا ڈیزائن متاثر کر رہا ہے، لہذا اسے دوبارہ تبدیل ہونے کی ضرورت ہے۔۔

Facebook Twitter Google + Share on Whatsapp

اسنیپ چیٹ کا نیا ڈیزائن صارفین کو متاثر کرنے میں ناکام

مزید تجارتی خبریں