نواز شریف کی ریاستی اداروں کو للکار ملکی سلامتی کیلئے خطرناک ہے، میاں محمود الرشید
تازہ ترین : 1

نواز شریف کی ریاستی اداروں کو للکار ملکی سلامتی کیلئے خطرناک ہے، میاں محمود الرشید

شاہی خاندان کا سب ٹھیک ہے کا نعرہ عوام کو مذید بے وقوف نہیں بنا سکتا میاں برادران اپنے طویل ترین دور اقتدار میں تو انقلاب برپا نہ کر سکے اب رخصت ہو رہے ہیں تو شعبدہ بازیوں پر اتر آئے ہیں حکومت نے تمام تر وسائل اپنی عیاشی اورغیر ضروری منصوبوں پر خرچ کر دیئے، آئین ضمانت دیتا ہے روٹی، کپڑا، مکان کی آئین نے کہیں اورنج ٹرین، میٹرو بس کی ضمانت نہیں دی، جتنی کرپشن ن لیگ کے دور میں ہوئی اسکی مثال نہیں ملتی، پنجاب کا کوئی بھی منصوبہ اٹھالیں ان میں مالی بے ضابطگیاں نظر آئیں گی، پورے صوبے کو کمپنیوں کے سہارے چلایا جا رہا ہے اپوزیشن لیڈر پنجاب اسمبلی کی صحافیوں سے بات چیت

نواز شریف کی ریاستی اداروں کو للکار ملکی سلامتی کیلئے خطرناک ہے، میاں ..
لاہور (اُردو پوائنٹ اخبارتازہ ترین۔ 12 جنوری2018ء) تحریک انصاف کے مرکزی رہنما اورپنجاب اسمبلی میں قائد حزب اختلاف میاں محمودالرشید نے کہا کہ بلوچستان بحران کے بعد وفاقی حکومت عملی طور پر غیر موثر ہو گئی، ملکی اور سیاسی معاملات سے نمٹنا ن لیگ کے اختیار سے باہر ہے، نئے الیکشن ہی مسائل کا واحد حل، حکومت نے فوری توجہ نہ دی تو حالات مزید سنگین ہو جائیں گے۔

پنجاب اسمبلی میں صحافیوں سے غیر رسمی بات چیت کرتے ہوئے انکا کہنا تھا کہ نواز شریف ریاستی اداروں کو جس انداز میں للکار رہے ہیں وہ ملکی سلامتی بالخصوص موجودہ حالات میں انتہائی خطرناک ہے۔ میاں محمودالرشید نے کہا کہ نواز شریف اور شہباز شریف اپنے طویل ترین دور اقتدار میں تو انقلاب برپا نہ کر سکے اب رخصت ہو رہے ہیں تو شعبدہ بازیوں پر اتر آئے ہیں۔

پنجاب کے مسائل پر بات کرتے ہوئے اپوزیشن لیڈر کا کہنا تھا کہ زراعت، تعلیم، صحت، صاف پانی سمیت کو نسا بنیادی انسانی حقوق کا منصوبہ ہے جسے حکومت نے اپنی ترجیح بنایا بدقسمتی کا یہ عالم ہے کہ حکومت نے تمام تر وسائل اپنی عیاشی اورغیر ضروری منصوبوں پر خرچ کر دیئے، آئین ضمانت دیتا ہے روٹی، کپڑا، مکان کی آئین نے کہیں اورنج ٹرین، میٹرو بس کی ضمانت نہیں دی، جب ایک عام آدمی علاج کیلئے پیسوں کے انتظار میں بیٹھا ہو، غریب کا بچہ پیسہ نہ ہونے سے سکول کی بجائے مزدوری کرنے پر مجبور ہو،س، کسان جمع پونجی خرچ کر کے تیار فصل کو بیچنے کیلئے بیٹھا ہو اور اسے قیمت نہ مل رہی ہے، جب خواتین بچوں کو سڑکوں اور چوراہوں پر بچوں کو جنم دے رہی ہوں اور شاہی خاندان سب ٹھیک کا نعرہ لگا رہا ہو تو وہ کس کو بیوقوف بنا رہا ہی میاں محمودالرشید نے کہا کہ نواز شریف کو آج عدلیہ میں نقص اور مسائل نظر آ رہے ہیں تو کیا انہوں نے اپنے دور اقتدار میں کبھی ریفارمز کی بات کی انہیں سارے مسائل آج ہی کیوں نظر آ رہے ہیں شریف برادران صرف یہ چاہتا ہے کہ انکا اقتدار تاحیات رہے، کرپشن کڑیں یا لوٹ مار، کوئی ان سے پوچھنے والا نہ ہو، عدالتوں سمیت تمام ریاستی ادارے ان کے گھر کی لونڈی اور عوام انکی رعایا ہو ، تبدیلی والا پاکستان ان کے وارے میں نہیں۔

ایک سوال کے جواب میں میاں محمودالرشید نے کہا کہ جتنی کرپشن ن لیگ کے دور میں ہوئی اسکی مثال نہیں ملتی، پنجاب کا کوئی بھی منصوبہ اٹھالیں ان میں مالی بے ضابطگیاں نظر آئیں گی، پورے صوبے کو کمپنیوں کے سہارے چلایا جا رہا ہے، ایک آدمی کو بنیادی انسانی حقوق میسر نہیں، کوئی ذمہ داراصلاحات لانے کو تیار نہیں تو پھر عدالتیں مداخلت نہ کریں تو کیا غریب سے جینے کا حق بھی چھین لیا جائی چیف جسٹس نے تعلیم، صحت، ہسپتالوں اور صاف پانی پر نوٹس لیکر غریب کا بھلا کیا ہے نواز شریف کو تو برا لگے گا کیونکہ غریب کو ریلیف ملنا موصوف کو ہضم ہی نہیں ہوتا۔

ایک اور سوال کے جواب میں میاں محمودالرشید نے کہا کہ عمران خان کی کردار کشی کرنیوالوں کاماضی کھلی کتاب ہے،عمران خان کا نکاح ہوا بھی ہو توکسی کو ذاتی معاملات میں مداخلت کا حق نہیں۔ نواز شریف سیاست تاحیات ختم ہونے پر دیوانے ہو گئے ہیں، کبھی عمران خان تو کبھی شرکت خانم پر تنقید کر کے اپنی کرپشن اور منی لانڈرنگ کو چھپانے کی ناکام کوشش کر رہے ہیں، وہ کسی کو سیاسی وراثت منتقل کر سکیں گے نہ لوٹی دولت کو بچا سکیں گے نہ یہ تحریک انصاف ہونے دیگی۔

مزید متعلقہ خبریں پڑھئیے‎ :

وقت اشاعت : 12/01/2018 - 20:36:14

اس خبر پر آپ کی رائے‎

Nawaz Sharif's state institutions are dangerous for security, Mian Mahmood Al-Rashid The slogan of all right in the royal family can not make the people foolish If the brothers are unable to overcome the revolution in their long term, they are now leaving vacations. The government has spent all the resources on its own needs and important projects, the constitution guarantees bread, clothes, houses of the house have not been guaranteed to orange train, metro bus, as much as corruption is not found in the era of corruption. If any scheme of Punjab takes place, financial disadvantages will appear, the entire province is being run with companies. Talking to journalists of the Punjab Assembly, opposition leader

The main leader of the Tehreek-e-Insaf and PPP leader Mian Mahmood Rashid said that after the crisis of Balochistan, the federal government was practically ineffective, dealing with domestic and political matters is beyond the power of the NL, the only election of the new election The solution, if the government does not take immediate notice, the situation will become more serious

Related : Assembly, Nawaz Sharif, Corruption, Punjab, Muslim League N, Metro Bus Lahore Pakistan, Metro