ہماری سرزمین پر دہشت گردوں کے کوئی خفیہ ٹھکانے نہیں ہیں ،ْ وزیر اعظم شاہد خاقان ..
تازہ ترین : 1

ہماری سرزمین پر دہشت گردوں کے کوئی خفیہ ٹھکانے نہیں ہیں ،ْ وزیر اعظم شاہد خاقان عباسی

ریاست قومی سلامتی سے متعلق چیلنجوں سے بخوبی آگاہ ہے اور داخلی و بیرونی مسائل سے نبرد آزما ہو رہی ہے ،ْوزیر اعظم کا خطاب

ہماری سرزمین پر دہشت گردوں کے کوئی خفیہ ٹھکانے نہیں ہیں ،ْ وزیر اعظم ..
اسلام آباد (اُردو پوائنٹ اخبارتازہ ترین۔ 12 جنوری2018ء)وزیراعظم شاہد خاقان عباسی نے کہا ہے کہ ہماری سرزمین پر دہشت گردوں کے کوئی خفیہ ٹھکانے نہیں ہیں ،ْریاست قومی سلامتی سے متعلق چیلنجوں سے بخوبی آگاہ ہے اور داخلی و بیرونی مسائل سے نبرد آزما ہو رہی ہے۔ جمعہ کو نیشنل ڈیفنس یونیورسٹی میں نیشنل سیکورٹی اینڈ وار کورس کے شرکاء سے خطاب کرتے ہوئے وزیراعظم نے کہا کہ دہشت گردی کے خلاف موثر کارروائیوں کے نتیجے میں دہشت گردوں کی کارروائیاں کرنے کی صلاحیت کا بہت حد تک سدباب کیا گیا ہے ،ْوزیراعظم نے کہا کہ ریاست قومی سلامتی سے متعلق چیلنجوں سے بخوبی آگاہ ہے اور داخلی و بیرونی مسائل سے نبرد آزما ہو رہی ہے۔

انہوں نے کہا کہ دہشت گردوں کے خلاف آپریشن ’’ردالفساد‘‘ معاشرے کو انتہاء پسندوں کے ’’سلیپرز سیلز‘‘ اور ہمدردوں سے صاف کرنے کیلئے جاری ہے۔ انہوں نے کہا کہ اس وقت سلامتی کی فضاء بہت نازک ہے اور یہ ابھرتے ہوئے چیلنجز اور مواقع کی ملی جلی صورتحال کی حامل ہے۔ وزیراعظم شاہد خاقان عباسی نے کورس گریجویٹس کو مبارکباد دیتے ہوئے ان پر زور دیا کہ وہ ملک کو درپیش خطرات کے خلاف قومی ردعمل کی تشکیل میں معاون اقدامات اٹھائیں۔

انہوں نے شرکاء کے قومی سلامتی تصورات کی تشکیل اور تشکیل نو اور سویلین پالیسی سازوں کو قومی سلامتی سے متعلق امور کے بہتر ادراک پیدا کرنے میں این ڈی یو کے کردار کو سراہا۔ بعد ازاں وزیراعظم نے کورس کے شرکاء میں سرٹیفیکیٹس تقسیم کئے۔ یہ تقریب نیشنل سیکورٹی اینڈ وارس کورس کے اختتام پر منعقد ہوئی جو گزشتہ اگست میں شروع ہوا تھا اور 29 منتخب شدہ شرکاء میں سول سروس آف پاکستان کے ساتھ ساتھ مسلح افواج کے ارکان شامل تھے۔

کورس کا بنیادی محور شرکاء کو قومی سلامتی کے حوالے سے مختلف پہلوئوں کے بارے میں بہتر آگاہی فراہم کرنا تھا۔ اس بات پر زور دیا گیا کہ پاکستان کے موجودہ چیلنجز ’’پوری قوم کی سوچ‘‘ کے ذریعے قومی سلامتی ردعمل کے متقاضی ہیں۔ تقریب میں وزیر دفاع خرم دستگیر خان، وزیر داخلہ احسن اقبال، چیف آف ایئر سٹاف ایئر چیف مارشل سہیل امان، قومی سلامتی کے مشیر لیفٹیننٹ جنرل (ر) ناصر خان جنجوعہ اور دیگر سول و عسکری حکام نے شرکت کی۔

مزید متعلقہ خبریں پڑھئیے‎ :

وقت اشاعت : 12/01/2018 - 19:58:24

اس خبر پر آپ کی رائے‎

There are no secretaries of terrorists on our soil, Prime Minister Shahid Khaqan Abbasi The state is aware of the national security challenges and the internal and external issues are being tested, Prime Minister's address

Prime Minister Shahid Khaqan Abbasi has said that there are no secret hideouts of terrorists on our soil, the state is aware of national security challenges and is facing tackle internal and external issues. Addressing the participants of the National Security and Ware Course at National Defense University on Friday, the Prime Minister said that due to effective action against terrorism, the ability to carry out terrorist activities has been revised, the Prime Minister said. State is aware of national security challenges and is facing internal and external issues.

Related : Shahid Khaqan Abbasi

متعلقہ عنوان :