سالہ ہندو لڑکی پوجا بائی کی بازیای کیلئے ہر ممکن اقدامات کیے جائیں گے ،نثار کھوڑو ..
تازہ ترین : 1

سالہ ہندو لڑکی پوجا بائی کی بازیای کیلئے ہر ممکن اقدامات کیے جائیں گے ،نثار کھوڑو

کراچی(اُردو پوائنٹ اخبارتازہ ترین۔ 12 جنوری2018ء)سندھ اسمبلی میں جمعہ کو میرپور ماتھیلو سے اغواء ہونے والی 16 سالہ ہندو لڑکی پوجا بائی کا معاملہ اٹھایا گیا ۔ حکومت کی طرف سے یہ یقین دہانی کرائی گئی کہ اس لڑکی کی بازیابی کے لیے ہرممکن اقدامات کیے جائیں گے ۔ ایم کیو ایم کے اقلیتی رکن دیوان چند چاولہ نے نقطہ اعتراض پر ایوان کو بتایا کہ پوجا بائی کے اغواء کو 15 دن ہو گئے ہیں ۔

پولیس اس کی بازیابی کے لیے کچھ نہیں کر رہی ہے ۔ مجھے ڈر ہے کہ اس لڑکی کا مذہب تبدیل کراکے اسے پیش کیا جائے گا ۔ اس طرح کے واقعات سندھ میں ہو رہے ہیں ۔ کہیں اقلیتوں کے ساتھ ایک اور سانحہ رونما نہ ہو جائے ۔ حکومت فوری طور پر لڑکی کو بازیاب کراکے ورثاء کے حوالے کرے ۔ سینئر وزیر نثار احمد کھوڑو نے ایوان کو یقین دہانی کرائی کہ حکومت پوجا بائی کی بازیابی کے لیے ہر اقدامات کرے گی ۔
وقت اشاعت : 12/01/2018 - 16:43:00

اس خبر پر آپ کی رائے‎