ون بیلٹ ون روڈ منصوبہ،
تازہ ترین : 1

ون بیلٹ ون روڈ منصوبہ،

ایئر یونیورسٹی میں دو روزہ عالمی کانفرنس''لائف کون 2018-''کا انعقاد 15جنوری سے ہوگا

ون بیلٹ ون روڈ منصوبہ،
اسلام آباد (اُردو پوائنٹ اخبارتازہ ترین۔ 12 جنوری2018ء) ون بیلٹ ون روڈ منصوبے کے تناظر میںفضائیہ میڈیکل کالج، ایئریونیورسٹی کے زیراہتمام دو روزہ عالمی کانفرنس کا انعقاد 15اور16جنوری کوایئریونیورسٹی مین کیمپس آڈیٹوریم میںہوگا۔ تفصیلات کے مطابق لائف کون کانفرنس کا مقصد صحت اور منسلکہ سائنسی شعبہ جات کے مختلف پراجیکٹس کے حوالے سے جدید تحقیق اور جدت پسندی کو فروغ دینا ہے، کانفرنس کے افتتاحی سیشن سے سابقہ وفاقی وزیر اور ماہر صحت ڈاکٹر ثانیہ نشترکا کلیدی خطاب ہوگا ۔

اس موقع پر چین کی نارتھ ویسٹرن پولی ٹیکنیکل یونیورسٹی کا ایک وفد بھی اپنے ریسرچ پیپرز پیش کرے گا،ون بیلٹ ون روڈ منصوبے کے تحت پاکستانی اور چینی مندوبین کے درمیان میڈیکل اور لائف سائنس سے متعلقہ مختلف موضوعات پرتعاون کیلئے تجاویز کا تبادلہ بھی کیا جائے گا۔منتظمین کے مطابق کانفرنس میںعالمی سطح کے صحت اور دیگر متعلقہ شعبوں کے ماہرین شریک ہونگے، کانفرنس کا مقصد فضائیہ میڈیکل کالج، ایئر یونیورسٹی اور مختلف ملکی و بین الاقوامی اعلیٰ تعلیمی و تحقیقی اداروں کے مابین ریسرچ کیلئے رابطوں کو مستحکم کرنا بھی ہے۔ایئریونیورسٹی میں منعقدہ لائف کون کانفرنس کا اختتامی سیشن 16جنوری کو منعقد کیا جائے گا۔
وقت اشاعت : 12/01/2018 - 15:07:19

اس خبر پر آپ کی رائے‎