پیپلز پارٹی کوئی غیر آئینی قدم اٹھائیگی نہ کسی غیر جمہوری عمل کی حمایت کرے گی، آصف زرداری

سینیٹ الیکشن وقت پر ہوجائے گا ،ْ عام انتخابات میں پارٹی نے ٹکٹ دیا تو نوابشاہ سے الیکشن لڑوں گا قصور میں معصوم بچی کا قتل شہباز حکومت کی ناکامی ہے، طاہر القادری کے ہم خیال ہیں ،ْاحتجاج میں ساتھ ہوں گے ،ْگفتگو

جمعرات 11 جنوری 2018 22:42

پیپلز پارٹی کوئی غیر آئینی قدم اٹھائیگی نہ کسی غیر جمہوری عمل کی حمایت ..

نواب شاہ (اُردو پوائنٹ اخبارتازہ ترین - این این آئی۔ 11 جنوری2018ء) پیپلز پارٹی کے شریک چیئرمین و سابق صدر آصف علی زرداری نے کہا ہے کہ پیپلز پارٹی کوئی غیر آئینی قدم نہیں اٹھائے گی اور نہ کسی غیر جمہوری عمل کی حمایت کرے گی۔

(جاری ہے)

نواب شاہ میں میڈیا سے بات کرتے ہوئے پیپلز پارٹی کے شریک چیئرمین آصف علی زرداری نے کہا کہ پیپلز پارٹی 73 کے آئین کی بانی جماعت ہے وہ کسی بھی غیر جمہوری عمل کی حمایت نہیں کرے گی، آئین میں ٹیکنو کریٹس حکومت کا کوئی ذکر نہیں اور نہ کوئی غیر آئینی اقدام اٹھایا جائے گا، میرے خیال میں سینیٹ الیکشن وقت پر ہوجائے گا جب کہ عام انتخابات میں اگر پارٹی نے ٹکٹ دیا تو نواب شاہ سے الیکشن لڑوں گا۔

سابق صدر نے کہا کہ الطاف حسین آج کل ٹی وی پر نہیں سوشل میڈیا پر آتے ہیں ہماری عمر سوشل میڈیا والی نہیں ہے ،ْ مستقبل میں پی ایس پی اور ایم کیو ایم پاکستان الطاف حسین کے ساتھ مل بھی سکتے ہیں اور نہیں بھی۔زینب کے قتل پر آصف زرداری نے کہا کہ قصور میں معصوم بچی کا قتل شہباز حکومت کی ناکامی ہے، طاہر القادری کے ہم خیال ہیں اور ان کے احتجاج میں ساتھ ہوں گے۔