نیکٹا نے دہشتگردی ، عسکریت پسند ، شدت پسندی کیخلاف موثر کارروائی کیلئے حکمت عملی تیار کرلی
مرکزی محور پنجاب کے جنوبی اضلاع ہونگے، حکومت نے نیکٹاکو اپنا ادارتی جاتی ڈھانچہ مضبوط بنانے کیلئے 1 ارب 64 کروڑ 30 لاکھ روپے مختص کردیئے نیکٹا نے اپنا ضروری سٹاف بھرتی کرلیا ،جوائنٹ انٹیلی جنس ڈائریکٹوریٹ کا آفس اور سٹاف کے پہلے گروپ کی تعیناتی بھی مکمل ہوگئے
بدھ 10 جنوری 2018 22:43
(جاری ہے)
صرف راجن پور کے گردونواح میں 2017 ئ کے دوران 180 دہشتگرد ٹارگٹ آپریشنز میں مارے گئے جبکہ 557 دہشتگردوں کوگرفتار کرلیا گیا۔
آپریشن ضرب عضب اور آپریشن ردالفساد کے باعث دہشتگرد فاٹا اور دیگر علاقوں سے ملک کے بڑے شہروں کی طرف نکل گئے ہیں۔ بیشتر کی منزل پہلے کراچی تھی جبکہ کراچی میں سخت گیر آپریشن کے بعد اب دہشتگردوں نے اپنا ٹھکانہ پنجاب کے جنوبی اضلاع میں بنا لیا ہے۔ انٹیلی جنس اطلاعات کے مطابق لاہور سمیت ملتان، ٹوبہ ٹیک سنگھ، فیصل آباد، سرگودھا اور ایک اہم شہروں میں دہشتگردوں نے مذہبی تنظیموں، اور مدارس کی آڑ لے رکھی ہے۔ نیکٹا ذرائع کے مطابق اگرچہ انٹیلی جنس بیسڈ آپریشنز(آئی بی اوز) پورے ملک میں جاری ہیں اور صوبوں نے اپنے اپنے کا?نٹر ٹیرازم ڈیپارٹمنٹس (سی ٹی ڈی) بنا رکھے ہیں لیکن پولیس میں صلاحیت کے فقدان کے باعث یہ کارروائیاں زیادہ مؤثر نہیں ہوتیں۔ نیکٹا اپنی زیر کمان فورس سے انٹیلی جنس اطلاعات کی بنیاد پر ٹارگیٹڈ آپریشنز کریگا جو چند روز میں پورے پنجاب میں شروع ہو جائیں گے۔دہشتگردوں کی مالی وسائل پر کاری ضرب لگانے کیلئے مساجد میں جمع ہونے والے چندے سے لیکر دکانوں پر اکٹھا کئے جانے والے چندے تک ہر چیز کو مانیٹر کیا جائے گا۔ ذرائع کے مطابق پنجاب میں اغوا برائے تاوان کی وارداتوں کو خاص طور پر توجہ دی جائے گی اور ایسے کیسز کو صرف پولیس تفتیش پر نہیں چھوڑا جائے گا۔ فلاحی کاموں میں مشغول این جی اوز کو کھنگالا جائے گا اور دہشتگردی کیلئے موجودہ تمام مالیاتی ذرائع بند کردیئے جائیں گے۔ حوالہ اور ہنڈی کے ذریعے رقوم کی ترسیلات کو ہر صورت روکنے کیلئے انٹیلی جنس نیٹ ورک تمام اہم شہروں میں قائم کیا جارہا ہے۔ بینکوں میں ہونے والی مشکوک ٹرانزیکشنز کو جے آئی ڈی کا خصوصی ونگ براہ راست مانیٹر کرے گا۔ نیکٹا ذرائع کے مطابق آئندہ چند ہفتوں میں کالعدم تنظیموں سے وابستہ سرگرم افراد کو حراست میں لینے کا عمل شروع کیاجائے گا اور انہیں ایک بار پھر کڑی تفتیش کے عمل سے گزارا جائے گا۔ کالعدم تنظیموں کے معروف افراد کو کسی دوسری تنظیم میں کام کی اجازت بھی نہیں دی جائے گی اور ایسی تنظیموں کو بھی کالعدم قرار دیاجائے گا۔شیڈول فور میں شامل افراد کے اکائنٹس پہلے ہی منجمد کرلئے گئے تھے تاہم ان کا لائسنس یافتہ اسلحہ بھی ضبط کیاجائے گا۔ ذرائع نے بتایا کہ نیکٹا کے زیر انتظام کائونٹر ٹیررازم فورس کوئی عام فورس نہیں ہوگی بلکہ اس میں صرف وہ لوگ شامل کئے جائیں گے جو بطور کمانڈو بہترین تربیت یافتہ ہونے کے ساتھ ساتھ دہشتگردی کے خلاف ذہنی طور پر پوری طرح تیار ہونگے۔ پنجاب میں ایسے اعلیٰ پائے کے 1500 کمانڈوز کی فورس بنانے کی منظوری دی گئی ہے جس میں سی1182 کی سلیکشن مکمل ہوچکی ہے۔ نیکٹا کے ذرائع نے واضح کردیا کہ مدارس اور مذہبی شخصیات میں سے بیشتر دہشتگردی کے فروغ میں دانستہ یا نادانستہ طور پر کردار ادا کر رہے ہیں۔لہٰذا تمام مدارس کو اب انٹیلی جنس نگرانی میں رکھا جائے گا اور انہیں باضابطہ طور پر قانون کے دائرے میں لا کر کام کرنے پر آمادہ کیاجائے گا۔جو مدارس ریاستی رٹ کو تسلیم نہیں کرینگے ان کیخلاف دہشتگردی ایکٹ کے تحت کارروائیاں اب کوئی نہیں روک سکے گا۔ ادھر نیکٹا کے نیشنل کوآرڈینیٹر احسن غنی نیسینیٹ کی قائمہ کمیٹی برائے وزارت داخلہ کو نیشنل ایکشن پلان پر خصوصی بریفنگ دی اورآئندہ کی حکمت عملی سے آگاہ کیا۔ اس موقع پر وفاقی وزیر داخلہ احسن اقبال بھی موجود تھے۔ کمیٹی کے چیئرمین سینیٹر اے رحمنٰ ملک نے نیشنل ایکشن پلان کے تحت بشمول ارکان پارلیمنٹ تمام خودکاراسلحہ کے لائسنسز پر پابندی کے فیصلے کی مخالفت کرتے ھوئے اس معاملے کو پارلیمنٹ میں زیر بحث لانے کا مطالبہ کیا۔ اس موقع پر سینیٹ کمیٹی کے تمام ممبران نے نیشنل ایکشن پلان پر اسکی روح کے مطابق عملدرآمد نہ کرنے پر حکومت کو زبردست تنقید کانشانہ بنایا۔چیئرمین کمیٹی رحمنٰ ملک نے حکومت کو ہدایت کی کہ وہ آئندہ نیکٹا کے ذریعے یورپی سفارتکاروں کو دہشتگردی کیخلاف پاکستان کی کوششوں سے آگاہ کرے۔ انہوں نے حکومت کو زبردست تنقید کا نشانہ بناتے ھوئے کہا کہ اس قدر قربانیوں کے باوجود دنیا ہماری معترف نہیں۔ کوئی ھمارا بیانیہ ماننے کو تیار نہیں۔ انہوں نے وزیر داخلہ سے مطالبہ کیا کہ نیکٹا کو نیشنل ایکشن پلان پر حقیقی عملدرآمد کیلئے اضافی فنڈز فراہم کرے جبکہ پرائیویٹ ٹی وی چینلز پر نیکٹا کی کارکردگی دکھانے کیلئے بھی بھی فنڈز مختص کئے جائیں۔ اس سلسلے میں پیمرا ہدایات جاری کرے۔متعلقہ عنوان :
مزید اہم خبریں
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم
-
وفاقی وزیر قانون و انصاف سینیٹر اعظم نذیر تارڑ سے بین الاقوامی پارلیمنٹرین کانگریس (آئی پی سی) کے وفد کی ملاقات
-
ایران کے ساتھ تجارتی معاہد وں پر امریکا کی پاکستان کو پابندیاں عائدکرنے کی دھمکی
-
ایرانی صدر ابراہیم رئیسی سری لنکا کے دورے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.