31جنوری کو ڈیڑھ سو سال بعد پورے چاند کو گرہن لگے گا،پاکستان ،بھارت سمیت دنیا کے بہت سے حصوں میں دیکھا جا سکے گا

سید فاخر عباس پیر 8 جنوری 2018 23:20

لاہور(اردو پوائنٹ تازہ ترین اخبار- 08جنوری 2018ء ):31جنوری کو ڈیڑھ سو سال بعد پورے چاند کو گرہن لگے گا،پاکستان ،بھارت سمیت دنیا کے بہت سے حصوں میں دیکھا جا سکے گا۔تفصیلات کے مطابق 2018 کا پہلا چاند گرہن 31 جنوری کو ہو گا۔ یہ مکمل گرہن ہو گا اور یہ مہینے کے دوسرے پورے چاند کے ساتھ نظر آئے گا، جسے عام طور پر بلیو مون یا نیلا چاند بھی کہا جاتا ہے۔

اس طرح کا نظارہ گذشتہ 151 سال میں نظر نہیں آیا ہے۔ یہ گرہن آدھی رات کو لگے گا اور بحرِ اوقیانوس اس وقت چاند کی سمت ہو گا۔

(جاری ہے)

وسطی اور مشرقی ایشیا، انڈونیشیا، نیوزی لینڈ اور آسٹریلیا کے کافی حصوں میں چاند کا دلکش نظارہ دیکھا جا سکتا ہے۔ مغربی ایشیا، برِصغیر ، مشرقِ وسطیٰ اور مشرقی یورپ میں جب چاند طلوع ہو گا تو گرہن شروع ہو چکا ہو گا۔ الاسکا، ہوائی اور شمال مغربی کینیڈا میں یہ گرہن شروع سے آخر تک دیکھا جا سکتا ہے۔2017 سے پہلے چاند کا آٹھ فیصد جزوی گرہن 31 دسمبر 2009 ء کو لگا تھا لیکن بلیو مون کا مکمل گرہن آخری مرتبہ 31 مارچ 1866ء کو لگا تھا۔ اس حساب سے بلیو مون کا مکمل گرہن 151 برسوں میں پہلی مرتبہ لگ رہا ہے۔

Facebook Twitter Google + Share on Whatsapp

31جنوری کو ڈیڑھ سو سال بعد پورے چاند کو گرہن لگے گا،پاکستان ،بھارت سمیت دنیا کے بہت سے حصوں میں دیکھا جا سکے گا

مزید اہم خبریں