پانچویں انفارمیشن ٹیکنالوجی گول میز کانفرنس آج منعقد ہوگی

اتوار 7 جنوری 2018 21:37

لاہور(اُردو پوائنٹ اخبارتازہ ترین - آن لائن۔ 07 جنوری2018ء) پانچویں انفارمیشن ٹیکنالوجی گول میز کانفرنس آج بروز 8 جنوری کو ارفع کریم سافٹ ٹیکنالوجی پارک میں منعقد ہوئی کانفرنس کی صدارت انفارمیشن ٹیکنالوجی یونیورسٹی کے وائس چانسلر، پنجاب انفارمیشن ٹیکنالوجی بورڈ کے چیئرمین اور وزیراعلی پنجاب کے مشیر ڈاکٹر عمر سیف کرینگے کانفرنس کا مقصد ملک میں آئی ٹی کی صنعت سے متعلقہ مسائل پر گفتگو کرنے کیلئے گورنمنٹ، انڈسٹری اور دیگر تعلیمی اداروں کے رہنماؤں کو ایک پلیٹ فارم مہیا کرنا ہے یہ سرگرمی آئی ٹی شعبے کی ترقی کیلئے روڈمیپ کی وضاحت کیساتھ ساتھ ملکی وصوبائی ترقی میں بھی معاون ثابت ہو گی پانچویں آئی ٹی گول میز کانفرنس کا مقصد پاکستان کی آئی ٹی صنعت کیلئے خصوصی اقتصادی زونز وضع کر نے پر توجہ مرکوز کرانا ہے پی آئی ٹی بی اور پاکستان سافٹویئر ہاؤسز ایسوسی ایشن اس ایجنڈے کے تکمیل کیلئے پنجاب بورڈ آف انویسٹمنٹ اینڈ ٹریڈ کے ساتھ مل کر کام کر یں گے اس ایجنڈے کے تحت سائبر سکیورٹی سے متعلق امور بھی زیر بحث ہوں گے۔

(جاری ہے)

آنے والے سال میں پی آئی ٹی بی کی جانب سیسائبر سپیس کو لاحق خطرات سے نمٹنے کیلئے اہم اعلانات متوقع ہیں۔