ٹرمپ ذہنی مریض ہیں‘ انہیں علاج کی ضرورت ہے-نیویارک ٹائمز

Mian Nadeem میاں محمد ندیم جمعہ 5 جنوری 2018 15:02

ٹرمپ ذہنی مریض ہیں‘ انہیں علاج کی ضرورت ہے-نیویارک ٹائمز
نیویارک(اردوپوائنٹ اخبارتازہ ترین-انٹرنیشنل پریس ایجنسی۔05 جنوری۔2018ء) امریکی صدر ٹرمپ ذہنی مریض ہیں عام ماہرین کی طرح قریبی ساتھیوں نے بھی اس بات کو تسلیم کیا ہے۔امریکی جریدے نیویارک ٹائمز نے دعوی کیا ہے کہ صدر ٹرمپ ذہنی مریض ہیں، صدرٹرمپ کا دماغی توازن ٹھیک ہونے نہ ہونے کے حوالے سے امریکا میں بحث جاری ہے۔جریدے نے اپنی رپورٹ میں کہا ہے کہ صدر ٹرمپ ذہنی مریض ہیں اور اب ان کے قریبی ساتھیوں نے بھی مان لیا ہے کہ ان کی ذہنی حالت عام انسانوں والی نہیں رہی ٹرمپ کی شخصیت خوش فہم، شوقیہ، لالچی اور شیطانی ہے۔

(جاری ہے)

رپورٹ کے مطابق صدر ٹرمپ کی ذہنی بیماری کا صرف وہ ہی ماہرین نفسیات علاج کرسکتے ہیں جو ان کو ذاتی طور پرجانتے ہوں۔دماغی ماہرین امراض انسان کے رویے اور دوسروں کے ساتھ برتاﺅسے ہی اس بات کا تعین کرتے ہیں کہ آیا وہ ذہنی طور پر ٹھیک ہے یا نہیں۔ شمالی کوریا کے صدر کے جواب میں صدرٹرمپ نے ٹوئٹ کیا کہ امریکا کے نیوکلیئر ہتھیار زیادہ طاقتور ہیں جو ان کی ذہنی بیماری کی عکاسی کرتا ہے ماہرین دماغی امراض نے صدر ٹرمپ کے قریبی ساتھیوں اور منتخب نمائندوں پرزور دیا کہ وہ صدر کے اس رویے کو روکنے کے لیے ان کی مدد کریں اور انھیں ایسے بیانات دینے سے روکیں۔

متعلقہ عنوان :