سندھ ہائیکورٹ نے سابق صوبائی وزیر سندھ شرجیل میمن کی ضمانت کی درخواست پر سماعت سے انکار کردیا

پیپلز پارٹی کے رہنما اور سابق صوبائی وزیر اطلاعات شرجیل میمن پر محکمہ اطلاعات میں 5 ارب روپے سے زائد کی کرپشن کے الزامات ہیں ،ْرپورٹ

جمعہ 5 جنوری 2018 15:20

سندھ ہائیکورٹ نے سابق صوبائی وزیر سندھ شرجیل میمن کی ضمانت کی درخواست ..
کراچی (اُردو پوائنٹ اخبارتازہ ترین - این این آئی۔ 05 جنوری2018ء) سندھ ہائیکورٹ نے سابق صوبائی وزیر سندھ شرجیل میمن کی ضمانت کی درخواست پر سماعت سے انکار کردیا۔پیپلز پارٹی کے رہنما اور سابق صوبائی وزیر اطلاعات شرجیل میمن پر محکمہ اطلاعات میں 5 ارب روپے سے زائد کی کرپشن کے الزامات ہیں اور کیس میں 23 اکتوبر کو سندھ ہائیکورٹ نے ان کی ضمانت میں توسیع کی درخواست مسترد کی جس کے بعد نیب نے انہیں احاطہ عدالت سے گرفتار کیا تھا۔

(جاری ہے)

گزشتہ روز سپریم کورٹ نے شرجیل میمن کی ضمانت کی درخواست مسترد کی تھی جس کے بعد جمعہ کو سندھ ہائیکورٹ نے ان کی درخواست سننے سے انکار کردیا ہے۔وزیر اطلاعات شرجیل میمن کے وکیل لطیف کھوسہ نے ان کی ضمانت کیلئے سندھ ہائیکورٹ میں درخواست دائر کی جس میں مقف اپنایا گیا کہ شرجیل میمن بیمار ہیں اور جیل میں طبی سہولیات بھی نہیں۔لطیف کھوسہ کے موقف پر سندھ ہائیکورٹ کے جسٹس اقبال کلہوڑو نے استفار کیا کہ بعد از گرفتاری کی درخواست ہے اس میں اتنی کیا جلدی ہے ،ْعدالت نے شرجیل میمن کو درخواست رولز کے تحت آفس میں جمع کرانے کا حکم دیتے ہوئے سماعت سے انکار کردیا۔واضح رہے کہ شرجیل میمن پیپلزپارٹی کے گزشتہ دور حکومت میں سندھ کی وزارت اطلاعات سمیت مختلف وزارتوں کے وزیر رہے۔