شریف اب شریف نہیں رہے، انٹرنیشنل ڈان بن گئے ہیں،

اندھیرے میں جہاز آتے ہیں شریفوں کو لے جاتے ہیں

جمعرات 4 جنوری 2018 13:08

شریف اب شریف نہیں رہے، انٹرنیشنل ڈان بن گئے ہیں،

کراچی(اُردو پوائنٹ اخبارتازہ ترین - این این آئی۔ 04 جنوری2018ء) پاکستان پیپلز پارٹی کے رہنمااور سابق وفاقی مشیرپیٹرولیم ڈاکٹر عاصم حسین نے کہاہے کہ شریف اب شریف نہیں رہے، انٹرنیشنل ڈان بن چکے ہیں،اندھیرے میں جہاز آتے ہیں شریفوں کو لے جاتے ہیں ، خود باہر دندناتے پھرتے ہیں میرا نام ای سی ایل میں ڈالا ہوا ہے،جمہوریت کی بات کرنے والے کبھی جمہوریت کے پاس سے نہیں گزرے۔

(جاری ہے)

جمعرات کو مقامی احتساب عدالت میں میڈیا سے گفتگو میں ڈاکٹر عاصم نے وفاقی حکومت کی غلط پالیسیز اور نواز شریف کی حکمتِ عملیوں پر کڑی تنقید کی۔انہوں نے کہاکہ ریاستِ پاکستان کے خلاف سازش ہورہی ہے، ملک کے حالات دیکھ کے رونا آتا ہے،نواز شریف منفی ڈپلومیسی کررہے ہیں۔انہوں نے کہاکہ ہم نے کبھی انٹرنیشنل نان اسٹیٹ ایکٹرز کو کبھی پاکستان آنے کی اجازت نہیں دی، نہ ان سے دوستی کی نہ ان سے کوئی تعلق رکھا، نواز شریف بیرونِ ملک دن دناتے پھرتے ہیں، ان کا نام ای سی ایل میں نہیں ڈالا جاتا ،نہ ان کو جیل بھیجا جاتا ہے۔سابق مشیرِ پیٹرولیم نے کہا کہ نواز شریف جمہوریت کی بات کرتے ہیں مگر جمہوریت ان کے قریب سے نہیں گزری۔