الیکشن کمیشن نے نئی حلقہ بندیوں کا شیڈول جاری کر دیا

Mian Nadeem میاں محمد ندیم جمعرات 4 جنوری 2018 11:07

الیکشن کمیشن نے نئی حلقہ بندیوں کا شیڈول جاری کر دیا
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔04 جنوری۔2018ء) الیکشن کمیشن پاکستان نے نئی حلقہ بندیوں کا شیڈول جاری کر دیاہے، عام انتخابات کیلئے حلقہ بندیوں کا عمل 15 جنوری سے شروع ہو گا جسے 28 فروری تک مکمل کر لیا جائے گا، اعتراضات 5مارچ سے 3اپریل تک سنے جا ئیں گے۔ ڈسٹرکٹ الیکشن کمشنرز کا کوئی عمل دخل نہیں ہو گا۔اس حوالے سے اسلام آباد میں قومی اسمبلی کی قائمہ کمیٹی برائے پارلیمانی امور کا اجلاس ہوا جس میں ایڈیشنل سیکرٹری الیکشن کمیشن حکام وزارت پارلیمانی امور نے شرکت کی۔

(جاری ہے)

اس موقع پر الیکشن کمیشن حکام نے حلقہ بندیوں سے متعلق کمیٹی کو بریفنگ دیتے ہوئے بتایا کہ حلقہ بندیوں کا عمل 45 میں مکمل کیا جائے گا۔حلقہ بند یوں پر اعتراضات 5مارچ سے 3اپریل تک سنے جا ئیں گے جو 3مئی تک نمٹائے جائیں گے۔ حلقہ بندیوں سے متعلق کمیٹیوں کی تشکیل بھی 5جنوری تک کر لی جا ئے گی۔حلقہ بندیوں میں ڈسٹرکٹ الیکشن کمشنرز کا کوئی عمل دخل نہیں ہو گاجس کی نگرانی الیکشن کمیشن خود کرے گا اور اس سلسلے میں اعتراضات بھی خود سنے گا جس کے بعد حلقہ بندیوں سے متعلق فیصلہ سپریم کورٹ میں چیلنج کیا جا سکے گا۔

متعلقہ عنوان :