امریکہ ہماری دہلیز پر اپنی ناکامی کا ملبہ نہ رکھے ،ْ اب ہمارے وقار پر سمجھوتہ نہیں ہوگا ،ْ وزیر خارجہ

4 سال سے دہائیوں کا ملبہ صاف کر رہے ہیں، ہماری افواج بے مثال جنگ لڑ رہی ہے ،ْخواجہ آصف

بدھ 3 جنوری 2018 22:41

امریکہ ہماری دہلیز پر اپنی ناکامی کا ملبہ نہ رکھے ،ْ اب ہمارے وقار پر ..

اسلام آباد (اُردو پوائنٹ اخبارتازہ ترین - این این آئی۔ 03 جنوری2018ء) وزیر خارجہ خواجہ آصف نے کہا ہے کہ امریکہ ہماری دہلیز پر اپنی ناکامی کا ملبہ نہ رکھے اور اب ہمارے وقار پر سمجھوتہ نہیں ہوگا۔وزیر خارجہ خواجہ آصف نے سماجی رابطے کی ویب سائٹ ٹویٹر پر امریکا کی جانب سے پاکستان پر لگائے گئے الزامات کا جواب دیتے ہوئے کہا کہ آپ پوچھتے ہو کہ کیا کیا ایک آمر نیفون کال پہ سر نڈر کیا ،ْوطن کو بارود و خون سے نہلایا ،ْافغانستان پر اپنے اڈوں سے تمہارے 57800 حملے ہوئے، ہماری گزرگا ہوں سے تمہارا اسلحہ اور بارود گیا جبکہ ہزاروں سویلین، فوجی، بریگیڈیئر، جنرل اور جواں سال لیفٹیننٹ آپکی چھیڑی جنگ کی بھینٹ چڑھ گئے۔

خواجہ آصف نے کہا کہ جو آپ کا دشمن وہ ہمارا دشمن ہے، ہم نے گوانتانامو بے کو بھردیا، ہم آپ کی خدمت میں اتنے مگن ہوئے کہ پورے ملک کو 10 سال تک لوڈشیڈنگ اور گیس شارٹیج کے حوالے کیا ،ْمعیشت برباد ہوگئی لیکن خواہش تھی آپ راضی رہیں ،ْہم نے لاکھوں ویزے پیش کیے بلیک واٹر، ریمنڈ ڈیوس نیٹ ورک جگہ جگہ پھیل گئے۔

(جاری ہے)

وزیر خارجہ نے ایک اور ٹویٹ میں کہا کہ 4 سال سے دہائیوں کا ملبہ صاف کر رہے ہیں، ہماری افواج بے مثال جنگ لڑ رہی ہے، قربانیوں کی لامتناہی داستاں ہے جب کہ ماضی سکھاتا ہے امریکا پر اعتماد میں احتیاط برتو، ہماری دہلیز پر اپنی ناکامی کا ملبہ نہ رکھو، آپ خوش نہیں اس کا افسوس ہے مگر اب ہمارے وقار پر سمجھوتہ نہیں ہوگا۔