جو لوگ کہہ رہے تھے سعودی عرب میں این آر او یا کوئی ڈیل ہوگئی، دیکھ لیں نواز شریف آج پھر نیب کی عدالت میں پیش ہورہے ہیں،مریم اورنگ زیب

کل عمران خان نے جو ٹویٹ کیا اس میں وہ ’’جعلی خان‘‘ لگانا بھول گئے ، اگر وہ اپنے ٹویٹ میں جعلی خان لگا دیں تو میرے خیال میں ٹویٹ بہتر ہوجائے گا وہ کامیاب سیاستدان تو نہ بن سکے اور پاکستان کے عوام نے ان کو وزیراعظم بھی نہیں بنایا ، اب وہ شاہ رخ خان بننے کی ناکام کوشش کررہے ہیں ،وزیرمملکت اطلاعات کی میڈیا سے گفتگو

بدھ 3 جنوری 2018 22:27

جو لوگ کہہ رہے تھے سعودی عرب میں این آر او یا کوئی ڈیل ہوگئی، دیکھ لیں ..

اسلام آباد(اُردو پوائنٹ اخبارتازہ ترین - آن لائن۔ 03 جنوری2018ء) وزیرمملکت اطلاعات ، نشریات ، قومی تاریخ و ادبی ورثہ مریم اورنگزیب نے کہا ہے کہ جو لوگ کہہ رہے تھے کہ سعودی عرب میں این آر او یا کوئی ڈیل ہوگئی وہ دیکھ لیں کہ محمد نواز شریف آج پھر نیب کی عدالت میں پیش ہورہے ہیں بدھ کو یہاں احتساب عدالت کے باہر میڈیا سے گفتگو کرتے ہوئے وزیر مملکت نے کہا کہ کل عمران خان نے جو ٹویٹ کیا اس میں وہ ’’جعلی خان‘‘ لگانا بھول گئے ، اگر وہ اپنے ٹویٹ میں جعلی خان لگا دیں تو میرے خیال میں ٹویٹ بہتر ہوجائے گا ۔

(جاری ہے)

وزیر مملکت نے کہا عمران خان کامیاب سیاستدان تو نہ بن سکے اور پاکستان کے عوام نے ان کو وزیراعظم بھی نہیں بنایا ، اب وہ شاہ رخ خان بننے کی ناکام کوشش کررہے ہیں تو میرے خیال میں یہ بھی ختم ہوجائے گا، عمران خان دہشت گردی کی عدالت میں پیش ہورہے ہیں،وہ اپنے اس تمام عمل کا جواب دیں جو انہوں نے پارلیمنٹ پر حملہ کیا، پی ٹی وی پر حملہ کیا اور پھر دوسروں کے بارے میں سوال اٹھائیں۔ ان کو یاد رکھنا چاہیے کہ جب آپ کسی کی طرف ایک انگلی اٹھاتے ہیں تو تین انگلیاں آپ کی اپنی طرف ہوتی ہیں۔