آنے والے دن سیاست کیلئے اہم، سب کو ساتھ لیکر چلیں گے‘

چودھری شجاعت حسین پیر صاحب پگاڑا ،غوث علی شاہ کو دورئہ لاہور کی دعوت، ہمارا کسی سے کوئی اختلاف نہیں‘پاکستان مسلم لیگ سندھ کے وفد سے گفتگو

منگل 2 جنوری 2018 18:08

آنے والے دن سیاست کیلئے اہم، سب کو ساتھ لیکر چلیں گے‘

لاہور (اُردو پوائنٹ اخبارتازہ ترین - این این آئی۔ 02 جنوری2018ء) پاکستان مسلم لیگ کے صدر و سابق وزیراعظم چودھری شجاعت حسین نے پیر صاحب پگاڑا اور سید غوث علی شاہ کو دورئہ لاہور کی دعوت دے دی۔ چودھری شجاعت حسین کا کہنا ہے کہ ہمارا کسی سے کوئی اختلاف نہیں، سب کو ساتھ لے کر چلیں گے۔

(جاری ہے)

وہ اپنی رہائش گاہ پر پاکستان مسلم لیگ سندھ کے جنرل سیکرٹری طارق حسن کی قیادت میں ملاقات کیلئے آنے والے وفد سے گفتگو کر رہے تھے۔

وفد میں سیکرٹری اطلاعات سندھ آفاق احمد خٹک اور نعمت خلجی بھی شامل تھے۔ اس موقع پر ملک کی موجودہ سیاسی صورتحال اور دیگر امور پر تبادلہ خیال کیا گیا۔ چودھری شجاعت حسین نے کہا کہ آئندہ آنے والے دن ملک کی سیاست کیلئے اہم ہیں۔ انہوں نے کہا کہ پاکستان مسلم لیگ گرینڈ ڈیموکریٹک الائنس کے ساتھ چلے گی، ہماری کسی سے کوئی مخالفت نہیں، ملک کے مفاد میں سب کو ساتھ لے کر چلیں گے۔