حالات کا تقاضا ہے تمام جماعتیں 2018ء کے انتخابات کرپشن کے خاتمہ کے یک نکاتی ایجنڈے پر لڑیں، سینیٹر سراج الحق
قومی دولت لوٹنے والے کعبہ کے غلاف میں بھی جا چھپیں ، انہیں پکڑ کر لائینگے ، جماعت اسلامی کی کرپشن فری پاکستان تحریک کامیابی سے جاری ہے نئے این آر او کو کوئی قبول نہیں کریگا ،عوام کی طرف سے ایسی کسی بھی سازش کی سخت مزاحمت کی جائیگی، امیر جماعت اسلامی کا اوسلو میں اسلامک کلچرل سنٹر میں استقبالیہ سے خطاب
پیر 1 جنوری 2018 22:40
(جاری ہے)
امیر جماعت اسلامی نے یہ بات پیر کو اوسلو ناروے کے اسلامک کلچرل سینٹر میں اپنے اعزاز میں منعقدہ استقبالیہ سے خطاب کرتے ہوئے کہی ۔ اس موقع پر ڈپٹی سیکرٹری جنرل جماعت اسلامی محمد اصغر بھی موجود تھے ۔
سینیٹر سرا ج الحق نے کہاکہ تمام مسائل کی جڑ کرپشن ہے اور جب تک کرپشن کے ناسور کی جڑ کاٹ نہیں دی جاتی ، ملک میں ایک کے بعد ایک بحران سر اٹھاتا رہے گا ۔ ملک میں ہونے والی دہشتگردی نے کرپشن کی کوکھ سے جنم لیاہے اور کرپشن کی گود میں پلی بڑھی بدامنی ، جہالت اور غربت کو بھی کرپشن نے جنم دیا ۔ جن لوگوں نے قومی امانتوں کا تحفظ کرناتھا ، وہی امانت میں خیانت کرتے رہے اور عوام کو مسائل کی دلدل میں دھکیل کر خود عیش و عشرت کرتے رہے ۔ انہوںنے کہاکہ وزیر خزانہ نے پارلیمنٹ کے سامنے دو سو ارب ڈالرز کی بیرورنی بنکوں میں منتقلی کا اعتراف کیا مگر قابل اعتماد ذرائع نے یہ دولت پانچ سو ارب ڈالز سے زائد بتائی ۔ نیب کے سابق چیئرمین کا بیان ریکارڈ پر ہے کہ ملک میں روزانہ بارہ ارب روپے کی کرپشن ہورہی ہے ۔ انہوںنے کہاکہ اگر اس کرپشن پر قابو پالیا جائے تو پاکستان کو 2018 ء میں ہی ایک خوشحال اور باوقار ملک بنایا جاسکتاہے ۔ انہوں نے کہاکہ غاروں اور پہاڑوں پر بیٹھے ہوئے مسلح دہشتگردوں سے اقتدار کے ایوانوں پر قابض معاشی و سیاسی دہشتگرد زیادہ خطرناک ہیں ۔ ملک پر قرضوں کا کوہ ہمالیہ کھڑا کرنے اور ملک کے ہر بچے بوڑھے کو ایک لاکھ تیس ہزارروپے کا مقروض کرکے ان کے ہاتھوں میں آئی ایم ایف اور ورلڈ بینک کی غلامی کی ہتھکڑیاں پہنادی ہیں ۔ انہوں نے کہا کہ ایک نئے این آر او کی خبروں سے عوام کے اندر تشویش کی لہر دوڑ گئی ہے اور لوگوں کے اندر شدید بے چینی پائی جاتی ہے اگر اب کوئی این آر او سامنے آیا تو اس کیخلاف عوام کا شدید ردعمل سامنے آئے گا ۔ انہوں نے کہاکہ احتساب کا عمل مکمل ہونے تک کسی کو بیرون ملک بھاگنے کا موقع دینا ملک و قوم کے ساتھ سنگین مذاق ہوگا ۔انہوں نے کہا کہ سابق وزیراعظم نے بار بار پاکستان کو سیکولر اور لبرل ملک بنانے کی بات کی پاکستان سیکولر ازم کے لیے نہیں ، اسلام کے لیے بناہے لاکھوں لوگوں نے جانوں کے نذرانے لبرل از م کے لیے نہیں ، اسلام کے لیے دیے ۔ انہوںنے کہاکہ اللہ نے ہمیں اقتدار کا موقع دیا تو مسجد کو مرکز بنائیں گے ۔ پاکستان کو اللہ تعالیٰ نے سونے، چاندی، لوہے اور قدرتی معدنیات کے بے شمار خزانوں سے نوازاہے ۔ کوئلے کے ذخائرکھربوں ڈالرز کے ہیں بلوچستان میں تیل کے ذخائر سعودی عرب اور ایران کے مجموعی ذخائر سے زیادہ ہیں لیکن ایک منظم اسلامی قیادت کے بغیر ان بے پناہ وسائل کی حفاظت نہیں ہوسکتی ۔متعلقہ عنوان :
مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.