اب اقتدارمیں وہی ہوگاجو عقیدہء ختم نبوت اور نامو س رسالت کا محافظ ہوگا، ڈاکٹرصاحبزادہ ابوالخیر محمدزبیر
کروڑوں عاشقان مصطفیٰ بیدارہوچکے ہیں،حکمران کان کھول کر سن لیںاب اس ملک میں یہودیوں کا ایجنڈانہیں چلے گا،سربراہ جے یو پی
پیر 1 جنوری 2018 16:40
(جاری ہے)
کانفرنس سے شباب اسلامی کے سربراہ مفتی محمدحنیف قریشی،شبیر ابوطالب، علامہ قاضی احمدنورانی، مفتی محمدبشیرالقادری، مفتی رفیع الرحمان نورانی،علامہ عبدالغفاراویسی،مفتی محمدعابد مبارک، علامہ سلطان مدنی،علامہ عبدالمصطفیٰ چشتی سیالوی،مولاناعبدالقدیر قادری ودیگر نے بھی خطاب کیا۔
اس موقع پر حاجی عبدالرحیم نورانی، محمدشکیل قاسمی، سلیم عطاری، عبدالوحید یونس، حافظ محمدحسین سموں، مولاناخلیل احمدنورانی، بابافخرالدین نورانی، قاری محمدادریس قاضی،مولانافدااحمدنعیمی،مولاناسید ضیاء الحسن قادری،مولاناسیدجہانزیب قادری ودیگر بھی موجودتھے۔ڈاکٹرصاحبزادہ ابوالخیر محمدزبیر نے اپنے صدارتی خطاب میں کہاکہ ملک بھرمیں بسنے والے کروڑوں عاشقان مصطفیٰ بیدارہوچکے ہیں، 2018ء یارسول اللہ ﷺ کہنے والوں کا سال ہوگا،عشق رسول ﷺکا راستہ فلاح ونجات کا راستہ ہے جو اس راہ میں رکاوٹ بنے گاکچلاجائے گا،حکمران کان کھول کر سن لیںاب اس ملک میں یہودیوں کا ایجنڈانہیں چلے گا،ہم اس حقیقت کو جان کر دم لیں گے کہ ختم نبوت کے حلف نامے میں ردوبدل کی سازش کس نے کی۔فیض آباد کے دھرنے کو عوام اہلسنّت کے اتحادنے کامیاب بنایا،مرکزی دھرنے کی حمایت میں ملک بھرمیں ہونے والے دھرنوں اور تمام اکابرین اہلسنّت کی ان میں شرکت نے دھرنے والوں کو ترنوالہ سمجھنے والوں کے ہوش اڑادیئے،کروڑوں عاشقان مصطفیٰ کے عزم نے بتادیاہے کہ ملک کس طرف جارہاہے اب وطن عزیزکی فضائوں میں ہر طرف لبیک یارسول اللہ ﷺ کی صدائیں اس طرح گونج رہی ہیں کہ لادینی عناصر اس سے خوفزدہ ہیں۔انہوں نے واضح طورپر کہاکہ اب اسمبلیوں میں وہی جائے گا جس کانعرہ تاجدارختم نبوت زندہ باد ہوگا۔ جب ملک میں سلطان صلاح الدین ایوبی، نورالدین زنگی کے پیروکارحکمران ہوں گے تو قبلہء اول کے تحفظ کی مؤثر آوازپاکستان سے بلند ہوگی،مسلم حکمراں امریکی غلامی چھوڑدیںاور رسول اللہ ﷺ کی غلامی کاراستہ اختیارکریں تو فلسطین وکشمیر کے مسائل حل ہوں گے۔شام ،لیبیا،یمن،افغانستان ودیگر بلاداسلامیہ میں امن وسکون ہوگا۔کانفرنس سے خطاب کرتے ہوئے راولپنڈی سے تشریف لائے ہوئے شباب اسلامی کے سربراہ،مناظراسلام مفتی محمدحنیف قریشی نے کہاکہ ملک میں نظام مصطفیٰ ﷺ علامہ شاہ احمدنورانی ؒ کا خواب تھاجس کی تعبیر کاوقت قریب آچکاہے،ہمارے اکابرین نے ہمیشہ ظالم وجابرحکمرانوں اور باطل قوتوں کے خلاف کلمہء حق بلند کیااور یہ ہی فریضہ ان کے پیروکاراداکررہے ہیں،لبرل عناصر ملک کو تباہ کرناچاہتے ہیں، ہم ایساہرگزنہیں ہونے دیں گے، عاشقان مصطفیٰ ہر میدان میں اسلام دشمنوں کا مقابلہ کریں گے،عاشقان رسول کو اسمبلیوں میں بھیجیں گے۔اس موقع پر منظورکی گئی قراردادوں کے ذریعے وزیر قانون پنجاب راناثناء اللہ کے فوری استعفے ،دھرنے والوں سے کئے گئے معاہدے کے مطابق راجہ ظفرالحق رپورٹ منظرعام پر لانے،انتخابی فارم میں ختم نبوت کے حلف نامے کی تبدیلی کے ذمہ داروں کی فوری سزا،کراچی شاہراہ فیصل پر 26نومبر کو پرامن دھرنادینے والے عاشقان رسول پر وحشیانہ فائرنگ کرکے زخمی کرنے ولے پولیس افسران کی معطلی کامطالبہ کیاگیا۔مزید قومی خبریں
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.