بھارت سرکارنے کشمیری قیادت کو دبائو میں لانے کیلئے انتقامی کاروائیوں میں شدت پیدا کر دی، حافظ محمد سعید
کشمیری لیڈروں کے گھروں پر چھاپے مار کر ان کے اہل خانہ اوررشتہ داروں کو ہراساں کیا جارہا ہے۔ نام نہاد فنڈنگ کیس میں گرفتاری کشمیری رہنمائوں سے جیلوں میں توہین آمیز سلوک پر انسانی حقوق کے بین الاقوامی اداروں کی خاموشی افسوسناک ہے، امیر جماعة الدعوة
منگل 26 دسمبر 2017 21:11
(جاری ہے)
دفاع پاکستان کونسل کے پلیٹ فارم سے ہونیو الی کانفرنس میں راولپنڈی اور اسلام آباد سے ہزاروں افراد شریک ہوں گے۔
اپنے بیان میں انہوںنے کہاکہ بھارت اور اسرائیل کشمیری و فلسطینی مسلمانوں پر بدترین مظالم ڈھانے میں مصروف ہیں۔اگر کشمیر میں بھارت کی جانب سے ممنوعہ ہتھیاروں کا استعمال کیا جارہا ہے تو فلسطین میں بھی اسرائیلی فورسز اہلکار نہتے مسلمانوں کیخلاف کیمیائی ہتھیار استعما ل کر رہے ہیں۔ امریکی صدر ٹرمپ کے مقبوضہ بیت المقدس کو اسرائیلی دارالحکومت قرار دینے کے بعد فلسطینیوں پر ظلم و بربریت میں اور زیادہ شدت پیدا ہو گئی ہے۔ جمعہ کے دن دفاع پاکستان کونسل کے چیئرمین مولانا سمیع الحق کی زیر صدارت لیاقت باغ راولپنڈی میں تحفظ بیت المقدس کانفرنس صبح گیارہ بجے شروع ہو گی ۔یہ کانفرنس تاریخی نوعیت کی ہو گی اور اس میں قومی سیاسی و مذہبی قیادت شریک ہو نے سے دنیا کو ایک مضبوط پیغام جائے گا۔ انہوںنے کہاکہ اسرائیل فلسطین میں نصف صدی سے زائد عرصہ سے نہتے مسلمانوں کو ظلم و بربریت کا نشانہ بنا رہا ہے۔امریکہ کی طرف سے مقبوضہ بیت المقدس کو اسرائیلی دارالحکومت قرار دے کر دنیا کا امن برباد کرنے کی کوشش کی گئی۔ بیت المقدس مسلمانوں کا قبلہ اول ہے۔ وہ اس کے تحفظ سے کسی صورت پیچھے نہیں رہیں گے۔ مسلم امہ کا بچہ بچہ قبہ اول کے تحفظ کیلئے اپنی جانوں کا نذرانہ پیش کرنے کیلئے تیارہے۔ تحفظ بیت المقدس کیلئے مسلم ممالک کو باہم متحد ہو کر پالیسیاں ترتیب دینا ہوں گی۔ ڈالر اور پائونڈ کی غلامی سے نکلے بغیر فلسطین و کشمیر کے مسائل حل نہیں ہوں گے۔کشمیر، فلسطین و دیگر خطوں کے مظلوم مسلمانوں کی مددکرنا پوری مسلم امہ پر فرض ہے۔حافظ محمد سعید نے کہاکہ بھارت کشمیر میں غاصبانہ قبضہ قائم رکھنے کے لیے نہتے کشمیریوں کو شہید کررہا ہے۔ہندوستانی فوج چادراور چاردیواری کا تقدس پامال کررہی ہے اورمنظم انداز میں کشمیریوں کی نسل کشی کی جارہی ہے۔ کشمیر پاکستان کا حصہ ہے اوراس کے بغیر یہ ملک نامکمل ہے۔ کشمیریوں کو غاصب بھارت کے رحم و کرم پر نہیں چھوڑ سکتے‘ان کی مددوحمایت جاری رکھیں گے۔انہوںنے کہاکہ کشمیریوں کی قربانیوں سے آزادی کے چراغ روشن ہورہے ہیں۔ آج مظلوم کشمیری قوم جس طرح بھارتی فورسز کی دہشت گردی کا مقابلہ کرتے ہوئے اپنی جانوں کے نذرانے پیش کر رہے ہیں اس سے جلد غاصب بھارت کو کشمیر سے نکلنا پڑے گا اور کشمیری آزاد فضا میں سانس لے سکیں گے۔ انہوںنے کہاکہ کشمیر کا مسئلہ اس وقت بہت اہمیت اختیار کر گیا ہے۔ کشمیریوں کی تحریک ان کی اپنی ہے۔ جدوجہد آزادی کیخلاف دہشت گردی کا گمراہ کن پروپیگنڈا درست نہیں ہے۔ مظلوم کشمیریوں کی ہر ممکن مددوحمایت کا سلسلہ جاری رکھیں گے۔متعلقہ عنوان :
مزید اہم خبریں
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
-
وزیراعظم شہا زشریف کی مزار قائد پرحاضری، پھول چڑھائے اور فاتحہ خوانی کی
-
چیئرمین سینیٹ سے امریکی سفیرکی ملاقات ، عہدہ سنبھالنے پرمبارکباد دی
-
شاہ محمود قریشی کے بھانجے آزاد رکن قومی اسمبلی کا سنی اتحاد کونسل میں شامل ہونے سے انکار
-
گجرات، ہسپتال کی سرجیکل وارڈ کی چھت گرنے سے خاتون جاں بحق متعدد افراد زخمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.