موجودہ پیپلزپارٹی کی قیادت شہید بھٹو کے نظریات پر پورا نہیں اترتی ہے ،فردوس عاشق اعوان
وہ وقت قریب آرہا ہے جب پیپلزپارٹی کا ملک میں کوئی نام لیوا نہیں ہوگا،تحریک عدل کی بات کرنیوالے سانحہ ماڈل ٹاؤن سے اس کا آغاز کریں سندھ کو بدلنا پاکستان کو بدلنے کے مترادف ہے،کراچی اور اندرون سندھ میں دو جماعتوں نے اپنا الگ الگ مائنڈ سیٹ بنایا ہوا ہے،رہنما پاکستان تحریک انصاف ملک میں حقیقی اپوزیشن کا کردار صرف تحریک انصاف ادا کررہی ہے ،ایم کیو ایم کواپنے بانی کے بغیر مرکزی دھارے میں شامل ہونا چاہئے ،پریس کانفرنس سے خطاب
منگل 26 دسمبر 2017 19:17
(جاری ہے)
ان خیالات کا اظہار انہوںنے منگل کو کراچی پریس کلب میں پریس کانفرنس سے خطاب کرتے ہوئے کیا ۔
اس موقع پر فردوس شمیم نقوی اور دیگر رہنما بھی موجود تھے ۔فردوس عاشق اعوان نے کہا کہ میں جب بھی کراچی کا دورہ کرتی ہوں تو پریس کلب لازمی آتی ہوں۔ میں پریس کلب کی اعزازی رکن ہوں ۔کلب کی بہتری کے لئیے جو ممکن ہو سکتا تھا میں نے اپنے دور وزارت میں کیا۔پاکستان تحریک انصاف میں شمولیت کے بعد میرا سندھ کا یہ پہلا دورہ ہے ۔میں نے پیپلزپارٹی سے اہم وجوہات کی بناء پر استعفیٰ دیا تھا ۔انہوںنے کہا کہ پیپلزپارٹی پنجاب میں مسلم لیگ (ن)کے ساتھ مک مکا کی سیاست کررہی ہے ۔پیپلزپارٹی 5سال تک مسلم لیگ (ن) کے ساتھ ڈبل وکٹ ٹورنامنٹ کھیلتی رہی ۔پاکستان کی زبوں حالی اور جمہوریت کی نفی کرنے والوں میں مسلم لیگ (ن)سرفہرست ہے ۔انہوںنے کہا کہ موجودہ پیپلزپارٹی کی قیادت شہید بھٹو کے نظریات پر پورا نہیں اترتی ہے ۔پیپلز پارٹی کو ایک خاندان تک محدود کردیا گیا ہے۔پیپلز پارٹی ایک ٹکٹ میں دو مزے لیتی رہی ہے۔نچلی سطح پر پیپلز پارٹی کا صفایا ہوتا جا رہا ہے۔یہ ساری صورت حال پر پیپلزپارٹی کو اس نہچ پر لے کر جارہی ہے جہاں اس کا کوئی نام لیوا بھی نہیں ہوگا ۔فردوس عاشق اعوان نے کہا کہ پاکستان تحریک انصاف نے نواز شریف کو نااہل قرار دینے میں ہراول دستے کا کردار ادا کیا ہے ۔پیپلز پارٹی قضا نماز بھی نہیں بلکہ قویلے کی ٹکریں مار رہی ہے۔پی ٹی آئی اصل اپوزیشن کا کردار ادا کر رہی ہے ۔پیپلزپارٹی اپوزیشن کا کردار نبھانے کے لیے جاگ رہی ہے لیکن اب دیر ہوچکی ہے ۔انہوںنے کہا کہ سندھ کو بدلنا پاکستان کو بدلنے کے متبادل ہے ۔سندھ سے تھانہ کلچر کا خاتمہ کرنا ہماری اولین ترجیحات میں شامل ہے ۔سندھ کے اندر اب تبدیلی کا آغاز ہوچکا ہے۔ہم نے یہاں نچلی سطح پر کام شروع کیا ہے ۔سندھ میں نچلی سطح پر کارکنان سے تعلقات کو مزید بہتر کرنا ہے ۔کراچی کو معاشی حب بنانا ہی تحریک انصاف کا منشور ہے۔تحریک انصاف کو کراچی سمیت پورے سندھ میں بھرپور پذیرائی مل رہی ہے ۔صوبہ کے حالات ایسے ہیں کہ آج اساتذہ کو بھی اپنے حق کے لیے دھکے کھانے پڑرہے ہیں ۔کراچی اوراندرون سندھ میں دو جماعتوں نے اپنا الگ مائنڈ سیٹ بنایا ہوا ہے ۔کراچی بے بسی کی تصویر بنتا جا رہا ہے۔ہم کراچی کے مینڈیٹ کا احترام کرتے ہیں۔پارٹیوں میں اچھے برے لوگ ضرور ہوتے ہیں۔ایم کیو ایم کو سیاست کا حق ہے لیکن بانی متحدہ کے تحت وہ سیاست نہیں کرسکتے ہیں ۔ایم کیو ایم کو چاہیے کہ قومی دھارے میں آکر اپنا کردار اداکرے ۔آنے والا الیکشن کراچی والوں کی آزادی کا اعلان کرے گا۔سندھ میں بھی پی ٹی آئی کی حکومت ضروربنے گی ۔فردوس عاشق اعوان نے کہا کہ عدل کی بات کرنے والوں نے عدل کو اپنے گھر تک محدود رکھا ہوا ہے۔تحریک عدل کی بات کرنے والے سانحہ ماڈل ٹاؤن سے اسکا آغاز کریں۔انہوں نے کہا کہ ہم میڈیا کی طاقت کو بخوبی سمجھتے ہیں اور اسکے کردار کی تعریف بھی کرتے ہیں۔لیڈرشپ کے وژن کو دیکھ کر اسکی جانب لوگ آتے ہیں۔پی ٹی آئی شخصیات کو سپورٹ کرنے والی جماعت نہیں ہے۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.