ْ بھارت آئندہ برس مارچ میں سہ ملکی ویمنز ٹی ٹونٹی انٹرنیشنل کرکٹ سیریز کی میزبانی کرے گا

جمعہ 22 دسمبر 2017 20:32

ممبئی ۔ (اُردو پوائنٹ اخبارتازہ ترین - اے پی پی۔ 22 دسمبر2017ء) بھارت آئندہ سال مارچ میں سہ ملکی ویمنز ٹی ٹونٹی انٹرنیشنل کرکٹ سیریز کی میزبانی کرے گا، سیریز میں میزبان بھارت کے علاوہ آسٹریلیا اور انگلینڈ کی ویمن ٹیمیں شرکت کریں گی۔

(جاری ہے)

اعلان کردہ شیڈول کے تحت سہ ملکی ویمنز ٹی ٹونٹی سیریز 22 مارچ سے 3 اپریل تک کھیلی جائے گی، افتتاحی میچ میں میزبان بھارت اور آسٹریلیا کی ویمن ٹیمیں مدمقابل ہوں گی، ہر ٹیم آپس میں دو، دو میچ کھیلے گی جبکہ دو ٹاپ ٹیموں کے درمیان فائنل 3 اپریل کو کھیلا جائے گا۔