وزیر اعظم شاہد خاقان عباسی کا پنجاب کے ضلع خوشاب میں اعلیٰ تعلیمی سہولتوں کی فوری طور پر فراہمی کا حکم

ضلع میں یونیورسٹی یا یونیورسٹی کیمپس کے قیام سے متعلق 8رکنی جائزہ کمیٹی تشکیل دیدی جو 15روز میں اپنی سفارشات کے ساتھ رپورٹ وزیرا عظم کو ارسال کرے گی

پیر 18 دسمبر 2017 17:48

وزیر اعظم شاہد خاقان عباسی کا پنجاب کے ضلع خوشاب میں اعلیٰ تعلیمی سہولتوں ..

اسلام آباد (اُردو پوائنٹ اخبارتازہ ترین - آئی این پی۔ 18 دسمبر2017ء) وزیر اعظم شاہد خاقان عباسی نے پنجاب کے ضلع خوشاب میں اعلیٰ تعلیمی سہولتوں کی فوری طور پر فراہمی کا حکم جارہی کرتے ہوئے وہاں یونیورسٹی یا یونیورسٹی کیمپس کے قیام سے متعلق 8رکنی جائزہ کمیٹی تشکیل دے دی جو 15روز میں اپنی سفارشات کے ساتھ رپورٹ وزیرا عظم کو ارسال کرے گی۔

(جاری ہے)

تفصیلات کے مطابق وزیر اعظم شاہد خاقان عباسی نے پنجاب کے ضلع خوشاب میں اعلیٰ تعلیمی سہولتوں کی فوری فراہمی سے متعلق چیئر مین ہائر ایجوکیشن کمیشن پروفیسر ڈاکٹر مختار احمد کی سربراہی میں 8رکنی کمیٹی تشکیل دی ہے جو ضلع خوشاب میں موجود اعلیٰ تعلیم سے متعلق سہولتوں کا جائزہ لے گی اور مذکورہ ضلع میں یونیورسٹی یا یونیورسٹی کیمپس کے قیام کیلئے اپنی شفارشات کے ساتھ15روز میں تفصیلی رپورٹ دے گی۔

اس کمیٹی میں ارکان اسمبلی ملک شاکر بشیر اعوان ، ملک محمد عزیر خان ، رکن پنجاب اسمبلی ملک آصف بھا اعوان ، وائس چانسلر پی ایم اے ایس ۔اے ار آئی یویا انکا نمائندہ، یونیورسٹی آف ایجوکیشن کے وائس چانسلر یا انکا نمائندہ اور ڈپٹی کمشنر خوشاب شامل ہیں۔