آسٹریلوی پولیس کا شمالی کورین ایجنٹ گرفتار کرنے کا دعوی

اتوار 17 دسمبر 2017 21:24

سڈنی (اُردو پوائنٹ اخبارتازہ ترین - این این آئی۔ 17 دسمبر2017ء) آسٹریلوی پولیس نے 59 سالہ شمالی کوریا کے ایک شخص کو گرفتار کرلیا جس کے بارے میں بتایا جاتا ہے کہ وہ شمالی کوریا کے لئے جاسوسی کرتا تھا۔آسٹریلوی پولیس کے مطابق شمالی کوریا کی ایما پر بلیک مارکیٹ میں میزائل کے اجزاء کی لین دین کرتے پکڑا گیا جس کی شناخت چین ہین چوئی کے نام سے ہوئی جب کہ یہ شمالی کوریا کا جاسوس ہے۔

آسٹریلوی پولیس کا کہنا ہے کہ شمالی کورین جاسوس گزشتہ 30 سال سے سڈنی میں رہائش پذیر تھا جبکہ اس کے پاس شمالی کوریا اور آسٹریلیا کی شہریت موجود ہے۔

(جاری ہے)

پولیس کا کہنا ہے کہ ملزم اسلحہ اور بارودی مواد کو دوسرے ملک خرید و فروخت کرتے ہوئے پکڑا گیا ہے جس کے شمالی کوریا کے اعلیٰ اہلکاروں کے ساتھ رابطے کے شواہد بھی ملے ہیں۔آسٹریلین فیڈرل پولیس کے اسسٹنٹ کمشنر نیل گوگن کا کہنا ہے کہ اس طرح کا کیس آسٹریلیا میں پہلی بار دیکھنے کو ملا ہے لیکن کوئی بھی شخص پابندیوں کی خلاف ورزی کرکے آسٹریلیا میں نہیں بچ سکتا۔

پولیس کے مطابق چین ہین چوئی نے غیرقانونی طور پر کوئلہ شمالی کوریا سے انڈونیشا اور ارد گرد کے ممالک میں فروخت کرنے کا ارادہ رکھتا تھا جب کہ ملزم نے اقوام متحدہ اور آسٹریلیا کے قوانین کی خلاف ورزی کی ہے۔

Facebook Twitter Google + Share on Whatsapp

آسٹریلوی پولیس کا شمالی کورین ایجنٹ گرفتار کرنے کا دعوی

متعلقہ عنوان :

مزید اہم خبریں