سعودی عرب جانیوالے مسافر کے سامان سے 15 سو گرام آئس منشیات برآمد

اتوار 17 دسمبر 2017 20:45

کراچی(اُردو پوائنٹ اخبارتازہ ترین - آئی این پی۔ 17 دسمبر2017ء) ایئرپورٹ سیکیورٹی فورس نے کراچی کے جناح انٹرنیشنل ایئرپورٹ پر کارروائی کرکے ریاض جانے والے مسافر سے سوا کلو ’’آئس‘‘ منشیات برآمد کرلی، اے ایس ایف ترجمان کے مطابق ہفتے اور اتوار کی شب کراچی کے جناح انٹرنیشنل ایئرپورٹ پر پی آئی اے کی ریاض جانے والی پرواز پی کے 725 کے ذریعے ریاض جانیوالے مسافر فیاض کے سامان میں مشکوک اشیا کی نشاندہی ہوئی جس کے بعد تلاشی لینے پر سامان میں موجود سوٹ کیس میں رکھے اسٹیل کے مرتبان کے اندر سے دنیا کی مہنگی ترین آئس منشیات برآمد ہوئی جس کی مقدار ایک کلو 396گرام تھی منشیات اسمگل کرنے والے مسافر ملزم فیاض کو مزید تفتیش کے لیے اینٹی نارکوٹکس فورس کے حوالے کردیا گیا ہے۔