عمران خان ملک کی اعلیٰ ترین عدلیہ کو تلاشی دینے کے بعد سرخرو ہوئے ہیں ،ڈاکٹر شاہینہ نجیب کھوسہ

اتوار 17 دسمبر 2017 20:17

ڈیرہ غازی خان (اُردو پوائنٹ اخبارتازہ ترین - آن لائن۔ 17 دسمبر2017ء) پاکستان تحریک انصاف کی سینئر رہنما و ممبر سی ای سی ڈاکٹر شاہینہ نجیب کھوسہ نے اپنے ایک اخباری بیان میں کہا ہے کہ پی ٹی آئی چیئر مین عمران خان ملک کی اعلیٰ ترین عدلیہ کو تلاشی دینے کے بعد سرخرو ہوئے ہیں پی ٹی آئی کے مخالفین کے ترکش کا آخری تیر بھی کارگر نہ ہوا اور تمام پارٹیوں میں پی ٹی آئی ایسے نکھر کر اور ممتاز ہوکر سامنے آئی ہے جیسے اندھیری رات کے بعد سورج چمکتا ہے عمران خان کے حق میں آنیوالے فیصلے نے ثابت کر دیا ہے کہ سانچ کو آنچ نہیں اور یہ بھی کہ عمران خان ہی قوم کا اصلی لیڈر ہے کیونکہ صاف کردار اور رول ماڈل ہی اس منصب کا حق دار ہوتا ہے پی ٹی آئی ورکرز اور اس سے محبت کرنیوالے اب اور شرح صدکے ساتھ اس کے ہمراہ کھڑے ہیں ڈٹے رہو عمران خان ہم تمہارے ساتھ ہیں۔