چوہدری غلام عباس کی خدمات مدتوں یاد رکھی جائیںگی‘سردار سجاد انور عباسی

مظفرآباد(اُردو پوائنٹ اخبارتازہ ترین - این این آئی۔ 17 دسمبر2017ء) آل جموں وکشمیر مسلم سٹوڈنٹس فیڈریشن کے مرکزی چیئرمین سابق امیدوار اسمبلی سردار سجاد انور عباسی نے کہا ہیکہ چوہدری غلام عباس کی خدمات مدتوں یاد رکھی جائیںگی چوہدری غلام عباس مرحوم مجاہد اول سردار محمد عبدالقیوم خان ،غازی ملت سردار محمد ابراہیم خان تحریک آزادکشمیر کے وہ عظیم قائد تھے جنہو ں نے شمع آزادی کے پروانے کے لیے ہمیشہ لازوال کردار ادا کیا ۔

قائد ملت رئیس الاھرار چوہدری غلام عباسؒ نے جس منزل کا تعین کیا اس کی تکمیل تک کشمیری قوم اپنی جدوجہد جاری رکھے گے۔ رئیس الاحرار چوہدری غلام عباس ؒ کی برسی آج بھرپور عقیدت و احترام کے ساتھ منائی جائے گی ،ان خیالات کا اظہار انہوں نے رئیس الاحرار چوہدری غلام عباس کی برسی کے موقع پر ان کے مزار فیض آباد راولپنڈی مظفرآباد سے روانہ ہونے سے قبل میڈیا سے بات چیت کرتے ہوئے کیا انہوں نے کہا کہ رئیس الاحرار قائد ملت چوہدری غلام عباس ؒ الحاق پاکستان کے داعی تھے جنہوں نے مقبوضہ کشمیر سے پاکستان کے الحاق کیلئے اپنی گراں قدر خدمات سرانجام دی ان کی جدوجہد تحریک آزادی کشمیر کی تاریخ میں سنہری حروٹ میں لکھی جائیں گی ،رئیس الاحرار چوہدری غلام عباس مرحوم و مغفور تحریک آزادی کشمیر کے اولین قافلے کے سرخیل تھے جنہوں نے جدوجہد آزادی کشمیر کیلئے لازوال جدوجہد اور اعلیٰ کردار کا مظاہرہ کیا ، چوہدری غلام عباس فکری و نظریاتی طور پر نظریہ پاکستان کے زبردست حامیوں میں سے تھے ، انہوںپاکستان سے بے پناہ محبت اور عقیدت تھی ، انہوں نے کہا کہ چوہدری غلام عباس مرحوم کی خدمات مدتوں یاد رہیں گی ، چوہدری غلام عباس مرحوم ، مجاہد اول سردار محمد عبدالقیوم خان تحریک آزادی کشمیر کے وہ عظیم قائدین تھے جنہوں نے شمع آزادی کے پروانے کیلئے ہمیشہ لازوال کردارادا کیا ۔

(جاری ہے)

انہوں نے کہا کہ کشمیر پاکستان کی شہ رگ جیسے عظیم نظریہ اور قائداعظم محمد علی جناح ؒ کے فکر و فلسفہ کو اپنا منشور بنا کر جموں وکشمیر کی تحریک آزادی میں اہم کردار ادا کیا۔