نیشنل پریس کلب اسلام آباد نے پمز سے جڑواں شہروں کے صحافیوں کو مفت علاج معالجہ کی سہولیات کی فراہمی کیلئے مفاہمتی یادداشت پر دستخط کرلئے
این پی سی کے تمام ممبران کو آفیسر کیٹگری گریڈ 18 اور اوپر کے افسران کے برابر ان ٹائٹلمنٹ کی سہولت فراہم کیجائے گی، تمام ممبران کے ان ٹائٹل منٹ کارڈ جاری ہوں گے ممبران کے والد، والدہ، بیوی اور بچوں کو پمز میں وفاقی آفیسر کیڈر کے معیار کی مفت طبی سہولیات میسر ہوں گی پمز کے آڈیٹوریم میں تقریب، وزیر مملکت اطلاعات مریم اورنگزیب نے صحافیوں میں ان ٹائٹل منٹ کارڈ بھی تقسیم کئے
ہفتہ 16 دسمبر 2017 20:50
(جاری ہے)
جس میں وفاقی وزیر مملکت برائے اطلاعات و نشریات مریم اورنگزیب، نیشنل پریس کلب کے صدر شکیل انجم و سیکرٹری عمران یعقوب ڈھلوں، فنانس سیکرٹری اسحاق چوہدری، صدر پاکستان فیڈرل یونین آف جرنلسٹس افضل بٹ، فیڈرل ہیلتھ رپورٹر ایسوسی ایشن کے صدر ندیم چوہدری، ممبران گورننگ باڈی این پی سی اور صحافیوں کی کثیرتعداد نے شرکت کی۔
تقریب سے خطاب کرتے ہوئے وفاقی وزیر مملکت برائے اطلاعات و نشریات مریم اورنگزیب نے کہا کہ آج کا دن آرمی پبلک سکول کے معصوم شہداء کے نام ہے۔ انہوں نے اے پی ایس کے شہداء اور پاک فوج کے شہید جوانوں اور شہید صحافیوں کے لئے خصوصی طور پر فاتحہ خوانی کروائی۔ انہوں نے کہا کہ پاکستانی قوم دہشت گردی کے خلاف متحد ہے جب تک پاکستان میں ایک بھی دہشت گرد موجود ہے اس وقت تک یہ جنگ جاری رہے گی۔ آنے والا دور دہشت گردی سے پاک ہوگا۔ ہیلتھ کارڈ کے حوالے سے گفتگو کرتے ہوئے انہوں نے کہا کہ سابق وزیراعظم محمد نوازشریف کی خواہش تھی کہ ہر صوبے میں صحافیوں کو قومی صحت کارڈ جاری ہوں جس پر کام جاری ہے اور بہت جلد مکمل کر دیا جائے گا۔ آج جو صحافیوں کو ان ٹائٹل منٹ ملا ہے یہ ان کا حق ہے کیونکہ پوری دنیا میں صحافیوں کو آزادی اظہار رائے، سیکورٹی اور صحت کی سہولیات فراہم کی جاتی ہیں۔ اس موقع پر تقریب سے خطاب کرتے ہوئے پمز کے ایڈمنسٹریٹر ڈاکٹر الطاف حسین نے کہا کہ پمز اور صحافیوں کا پہلے ہی سے بڑا قریبی تعلق رہا ہے کیونکہ ملک میں بڑے سانحات کے وقت لمحہ بہ لمحہ معلومات کی فراہمی میڈیا کے ذریعے ہی پمز فراہم کرتا ہے۔ میڈیا کی مثبت تنقید کو ہم اپنے لئے بہتر سمجھتے ہیں جس سے سسٹم میں بہتری آنے میں آسانی ہوتی ہے۔ انہوں نے کہا کہ پمز کی ان ٹائٹل منٹ پر صحافیوں کو مبارکباد پیش کرتا ہوں اور اب وہ کسی سفارش کی بجائے اپنا علاج معالجہ کا حق لیں گے۔ اس موقع پر صحافیوں کو پمز میں انتظامی امور کی بہتری کیلئے اٹھائے اقدامات سے بھی آگاہ کیا۔ صدر نیشنل پریس کلب شکیل انجم نے خطاب کرتے ہوئے کہا کہ ہم نے اس سے پہلے آر آئی سی سے بھی معاہدہ کیا ہے جہاں اب تک پندرہ صحافیوں کے کامیاب آپریشن ہو چکے ہیں اور ہمیں ایک روپیہ بھی ادا نہیں کرنا پڑا۔ امید ہے کہ پمز کے ساتھ ہمارا یہ معاہدہ بھی صحافیوں کو صحت کی سہولیات فراہم کرنے میں معاون ثابت ہوگا۔ سیکرٹری نیشنل پریس کلب عمران یعقوب ڈھلوں نے کہا کہ صحافیوں اور ان کے اہل خانہ کو علاج معالجہ کی سہولیات کیلئے مسائل کا سامنا تھا اور ہم نے آج یہ دیرینہ مسئلہ حل کرنے کی کوشش کی ہے ہمارے تمام 28 سو ممبران کو ان ٹائٹل منٹ کی سہولت ملی ہے اس پر ہم وفاقی حکومت، وزارت کیڈ اور پمز انتظامیہ کے شکرگزار ہیں کہ انہوں نے ہمارے اس مسئلے کو سمجھا اور اس کے حل کے لئے عملی اقدام اٹھایا۔ صدر پی ایف یو جے افضل بٹ نے خطاب کرتے ہوئے کہا کہ یہ معاہدہ صحافیوں کیلئے سہولت کا باعث بنے گا انہوں نے پمز کے مختلف شعبوں کا بھی دورہ کیا اور پمز انتظامیہ کی طرف سے اٹھائے گئے نئے اقدامات کو سراہا۔۔۔۔۔۔۔۔۔۔۔۔۔زیاد قاضیمتعلقہ عنوان :
مزید اہم خبریں
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
بلوچستان سے سینیٹ کی تمام 11نشستوں پر امیدوار بلامقابلہ منتخب ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.