فورس کی عملی تربیت اور استعداد کار بڑھانے کیلئے جدید دور کے تقاضوں کے عین مطابق نئے انویسٹی گیشن اور ریفریشر کورسز شروع کئے جائیں ،آئی جی پنجاب
جمعہ 15 دسمبر 2017 23:18
(جاری ہے)
ان خیالات کا اظہار انہوں نے جمعہ کے روز سنٹرل پولیس آفس میں منعقدہ ایک اعلیٰ سطحی اجلاس کی صدارت کے دوران مختلف ہدایات دیتے ہوئے کیا ۔
اجلاس میں ایڈیشنل آئی جی ٹریننگ، طارق مسعود یٰسین ، ڈی آئی جی ٹریننگ ، وقار عباسی ، ڈی آئی جی آئی ٹی شارق کمال صدیقی سمیت دیگر اعلٰی افسران بھی موجود تھے ۔ اجلاس میں فورس کی تربیت ، درپیش چیلنجز اور استعداد کار بڑھانے کے حوالے سے مختلف امورتفصیلاً زیر بحث آئے ۔اجلاس میں ایڈیشنل آئی جی ٹریننگ طارق مسعود یٰسین نے آئی جی پنجاب کو بریفنگ دیتے ہوئے بتایا کہ فورس میں آنے والے اہلکاروں اور افسران کی تربیت کیلئے جاری تربیتی کورسسز میںبنیادی کورسزکے علاوہ پیشہ ورانہ مہارت کے لئے لیگل سٹیڈیز ، کریکٹر ڈویلپمنٹ اور آئی ٹی کورسز شامل کرکے ٹریننگ کلچر کو اپ گریڈ کیا گیا ہے اورپبلک سیکٹر سے مختلف شعبوں کے ماہرین کی خدمات بھی حاصل کی گئی ہیں تاکہ اہلکاروں کی تربیت میں کمی کا کوئی پہلو باقی نہ رہے ۔ انہوں نے بتایا کہ نئے اہلکاروں کے ساتھ ساتھ پہلے سے فرائض سر انجام دینے والے اہلکاروں کی کپیسٹی بلڈنگ کیلئے بھی اقدامات کئے جار ہے ہیں ۔ آئی جی پنجاب نے اجلاس میں ہدایات دیتے ہوئے کہا کہ فورس کی بہترین تربیت پنجاب پولیس کی اولین ترجیحات میں شامل ہے جس کیلئے تمام دستیاب وسائل کو بروئے کار لا کران اقدامات میںکوئی کمی نہ چھوڑی جائے ۔ انہوں نے مزید کہا کہ ٹریننگ پر مامور انسٹرکٹرز پر انتہائی بھاری ذمہ داری عائد ہوتی ہے کہ وہ اپنے فرائض عبادت سمجھ کر ادا کریں تاکہ اہلکاروں کی تربیت نئے جذبے کے ساتھ بہتر انداز میں کرکے انکے ٹیلنٹ کومزید نکھارا جائے اور روایتی تھانہ کلچر کی تبدیلی کا عمل مزید تیز ہو سکے ۔ انہوں نے تاکید کی کہ تمام ٹرینرز اپنے فرائض پوری لگن اور ایمانداری کے ساتھ سر انجام دیں اور اہلکاروں کو پروفیشنل لائف کے تقاضوں کے مطابق فرائض کی ادائیگی کیلئے تیا رکیا جائے ۔ انہوں نے ایڈیشنل آئی جی ٹریننگ ، طارق مسعود یٰسین کو ہدایات دیتے ہوئے کہا کہ اہلکاروں کی استعداد کار بڑھانے کیلئے مختصر دورانئے کے فائرنگ کورسز شروع کروائے جائیں اور تفتیش کے معیار کو بہتر بنانے کیلئے اہلکاروں کو انویسٹی گیشن کے نئے ٹریننگ ماڈیولز بھی ترتیب دئیے جائیں تاکہ وہ تفتیش کے طریقہ کار میں آنے والی نئی جدتوں سے ہم آہنگ ہوکر اپنے فرائض زیادہ بہتر انداز میں ادا کر سکیں انہوں نے مزید کہا کہ اہلکاروں کی سٹریس کونسلنگ کیلئے بھی مزیدماہرین کی خدمات حاصل کی جائیں ۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.