مسلم لیگ نے عمران خان کی سپریم کورٹ میں کیس جیتنے کو تحریک انصاف کے لئے آدھی خوشی قراردیدی

جمعہ 15 دسمبر 2017 23:16

پشاور(اُردو پوائنٹ اخبارتازہ ترین - این این آئی۔ 15 دسمبر2017ء) پاکستان مسلم لیگ نے عمران خان کی سپریم کورٹ میں کیس جیتنے کو پاکستان تحریک انصاف کے لئے آدھی خوشخبری قراردیتے ہوئے کہاکہ جہانگیرترین کی نااہلی نے پاکستان تحریک انصاف کی خوشیوں پر پانی پھیردیاہے ۔

(جاری ہے)

صوبائی اسمبلی اجلاس کے دوران جب انیسہ زیب طاہرخیلی نے عمران خان کی کامیابی کو پاکستان تحریک انصاف کی کامیابی قراردیاتومسلم لیگ ن کے پارلیمانی لیڈر سرداراورنگزیب نلوٹھا نے کہاکہ پاکستان تحریک انصاف کوآدھی خوشی مبارک ہو کیونکہ عمران خان کامیاب ہوئے ہیں تو جہانگیرترین نااہل قراردئیے گئے ہیں اورسب کو پتہ ہے کہ جہانگیرترین کا پاکستان تحریک انصاف میں کیامقام ہے شاید یہ خوشی آدھی سے بھی کم ہو۔