سپریم کورٹ کے باہر وزیراعظم عمران خان کے نعرے لگ گئے

سید فاخر عباس جمعہ 15 دسمبر 2017 19:20

اسلام آباد (اردو پوائنٹ تازہ ترین اخبار2017ء) :عمران خان نا اہلی کیس کا فیصلہ سنتے ہی سپریم کورٹ کے باہر موجود پاکستان تحریک انصاف کے کارکنان میں خوشی کی لہر دوڑ گئی،کارکنان نے جوش میں آ کر وزیر اعظم عمران خان کے نعرے لگا دئیے۔

(جاری ہے)

تفصیلات کے مطابق سپریم کورٹ میں تحریک انصاف کے چیرمین عمران خان اور جنرل سیکرٹری جہانگیر ترین کی نااہلی کیس کے فیصلے کے موقع پر مسلم لیگ (ن) اور پی ٹی آئی کے کارکنوں کی بڑی تعداد عدالت کے باہر جمع ہوئی۔

تحریک انصاف اور ن لیگ کے وکلاء و سیاسی رہنماؤں سے کمرہ عدالت نمبر ایک بھی کھچا کھچ بھر گیا۔ دونوں جماعتوں کے کارکنان نے ایک دوسرے کے خلاف نعرہ بازی کی جس کے نتیجے میں صورتحال کشیدہ ہوگئی۔ سپریم کورٹ کا فیصلہ آنے کے بعد عدالت کے باہر پی ٹی آئی رہنماؤں نے وزیر اعظم عمران خان کے نعرے لگائے۔ جب کہ لیگی کارکنوں نے اے ٹی ایم کارڈ ہاتھوں میں لے کر عمران خان کے خلاف نعرے بازی کی۔