مریم اور نگزیب کی بعض سیاسی شر پسندوں کی جانب سے عمران خان کی فارن فنڈنگ کے حوالے سے میڈیا سے کی گئی گفتگو اور بیان کو تروڑ مروڑ کر پیش کرنے کی مذمت

پاکستانی اقلیتی شہریوں کی آڑ لے کر تحریک انصاف یہودیوں اور بھارتی شہریوں کی جانب سے فنڈنگ کے معاملے سے جان نہیں چھڑا سکتی ،ْ بیان

جمعہ 15 دسمبر 2017 19:25

مریم اور نگزیب کی بعض سیاسی شر پسندوں کی جانب سے عمران خان کی فارن فنڈنگ ..

اسلام آباد (اُردو پوائنٹ اخبارتازہ ترین - این این آئی۔ 15 دسمبر2017ء) وزیرمملکت اطلاعات مریم اورنگزیب نے بعض سیاسی شر پسندوں کی جانب سے عمران خان کی فارن فنڈنگ کے حوالے سے میڈیا سے کی گئی گفتگو اور بیان کو تروڑ مروڑ کر پیش کرنے کی سخت مذمت کرتے ہوئے کہاہے کہ عمران خان کو یہودیوں اور بھارتیوں (انڈینز )کی طرف سے ملنے والی رقوم پر گفتگو کی تھی ،ْ وہ ناجائز، غیر قانونی بیرونی رقوم جو انہوں نے ڈکلیئر نہیں کیں۔

(جاری ہے)

ایک بیان میں انہوںنے کہاکہ پاکستان میں بسنے والی اقلیتوں کو اس میں ملوث کرنا ذہنی مفلسی کی انتہا ہے۔ وزیر مملکت نے کہا کہ پاکستانی اقلیتیں آئین پاکستان کے تحت برابر کے شہری ہیں انہوںنے کہاکہ اقلیتوں کی عزت،وقاراور ان کے حقوق کا تحفظ کرنا مجھے آتا ہے۔ مریم اور نگزیب نے کہا کہ پاکستانی اقلیتی شہریوں کی آڑ لے کر تحریک انصاف یہودیوں اور بھارتی شہریوں کی جانب سے فنڈنگ کے معاملے سے جان نہیں چھڑا سکتی۔