سعودی عرب ، 2018 کے آغاز سے ٹریفک کنٹرول کرنے کیلئے اسمارٹ ڈرون ستعمال کئے جائیں گے

سعدیہ عباس جمعہ 15 دسمبر 2017 15:42

ریاض (اردوپوائنٹ اخبارتازہ ترین-15 دسمبر۔2017ء) مقامی ذرائع کے مطابق سعودی محکمہ ٹریفک کا کہنا ہے کہ 2018 کی پہلی سہ ماہی کے دوران ٹریفک کنٹرول کرنے کیلئے اسمارٹ ڈرون ستعمال کئے جائیں گے۔ نجم کمپنی کے قائم مقام ایگزیکٹیو چیئرمین ہانی الدہان نے مقامی میڈیا کا تفصیلات بتاتے ہوئے کہا ہے کہ اسمارٹ ڈرون اُن شاہراہوں پر استعمال ہونگے جہاں حادثات پیش آنے کے شرح زیادہ ہے۔

(جاری ہے)

اس لیے ان ڈرونز کے استعمال کی شروعات ریاض سے ہوگی۔ تجربہ کامیاب ہونے پر ریاست کے دیگر علاقوں میں بھی اس سے فائدہ اٹھایا جائیگا۔ دمام میں ٹریفک سلامتی کے چوتھے فورم اور نمائش کے دوران الدہان نے واضح کیا کہ یہ ڈرون جائے وقوعہ کی منظر کشی کرینگے ۔ تمام فریقوں کے بیانات ریکارڈ کرینگے اور پھر باقی معاملہ آن لائن مکمل کیا جائیگا۔اس کا مقصد جائے وقوعہ تک فوری رسائی اور ٹریفک جام سے پیدا ہونیوالے مسائل کے منفی اثرات سے بچنا ہے۔