اسپیکر نظام کیخلاف سازش ،
خطرات سے ایوان یا پارلیمانی لیڈرز کو آگاہ کریں ‘ قمر زمان کائرہ
جمعہ 15 دسمبر 2017 13:25
(جاری ہے)
قمر زمان کائرہ نے کہا کہ جمہوری نظام کو چلتے رہنا چاہیے اور یہ وقت کے ساتھ ساتھ جڑ پکڑے گا لیکن قبل از وقت انتخابات غیر جمہوری اور غیر آئینی اقدام نہیں ۔ انہوںنے کہا کہ عوام کا حکومتوںپر تو دبائو ہوتا ہے لیکن نظام پردبائو نہیں ہوتا اوراسے ٹھیک کئے بغیر ہم منزل نہیں پاسکتے ۔
آج بھی لوگ نوکریوں، ٹرانسفر پوسٹنگ، گلی محلوں اور کھمبوں کیلئے ووٹ دیدیتے ہیں ،عوام کو اس کی بجائے درست لوگوں کا چنائو کرنا ہوگا ۔ انہوںنے کہا کہ میڈیا میں یہ بڑا چل رہا ہے کہ عمران خان کہتے ہیں پیپلزپارٹی سے کوئی بات اور اتحاد نہیں ہوگا لیکن ہم بھی تو پوچھنا چاہتے ہیں انہیں سمجھوتے کی درخواست کس نے دی ہے وہ اپنی تہی ہی سب کچھ کہہ رہے ہیں ۔ ان کی بہت سے ایسی چیزیںہیں جو کسی کی سمجھ میں نہیں آرہی بلکہ ان کے اپنے دوست بھی کنفیوژہیں ۔ نوجوان اور سول سوسائٹی ان کے ساتھ چلی تھی لیکن وہ آج طالبان کے استاد سے اتحاد کر رہے ہیں سارے جہاںکے کرپٹ ان کے دائیں بائیں کھڑے ہیں جس کی وجہ سے ان کے دیرینہ ساتھی بھی پریشان ہیں ۔ انہوں نے کہا کہ ہم اسپیکر قومی اسمبلی کا بہت احترام کرتے ہیں لیکن وہ ٹھیک کام نہیں کر رہے وہ کبھی کبھی تو مسلم لیگ (ن) کے وکیل بن جاتے ہیں ۔ اسپیکر نے جو باتیں میڈیا میں کی ہیں انہیں ایوان میں اس پر کھل کر بات کرنی چاہیے اور اگر وہ ایسا نہیں کر سکتے تو انہیں پارلیمانی لیڈرز کو بلا کر نظام کے خلاف سازش اور اسے لا حق خدشات سے آگاہ کرنا چاہیے ۔ انہوںنے کہا کہ صرف اسپیکر ہی نہیں بلکہ نواز شریف اور ان کے باقی ساتھی بھی مایوس ہیں، انہوںنے ہمیشہ دائیںہاتھ کی سیاست کی ہے اور انہیں طاقتوروں ، ملائوں اور دیگر کی سپورٹ حاصل رہی ہے پہلی دفعہ یہ ہوا ہے کہ حکومت میں ہونے کے باوجود انہیںموقع نہیں مل رہا اوروہ اس کے عادی نہیںہیں ۔ انہوںنے فاٹا کے انضمام کے حوالے سے سوال کے جواب میں کہا کہ مولانا فضل الرحمن اور محمود اچکزئی نے حکومت کے ساتھ وہ کیا ہے کہ خود تو ڈوبے ہیں صنم تمہیں بھی لے ڈوبیںگے ، دونوں نے حکومت کے لئے ایک اور گڑھا کھو ددیا ہے ۔اتحادیوں کی کابینہ ہے ،بل ٹیبل کیا جاتا ہے ایجنڈا آئٹم کے طور پر شامل ہے لیکن اتحادیوں کے دبائو میں آکر سرنڈر کر دیاجاتاہے ،یہ عجیب و غریب قسم کی صورتحال ہے ۔ انہوںنے کہا کہ فاٹا کے عوام کو 70 سالوں سے آئینی و قانونی حقوق نہیں مل سکے فاٹا کو خیبر پختوانخواہ میں ضم ہونا چاہیے ۔ انہوںنے کہاکہ اگر ڈاکٹر طاہر القادری نے سانحہ ماڈل ٹائون پر انصاف کے حصول کیلئے کوئی کال دی تو ہم ان کا ساتھ دینے کے پابند ہیں۔متعلقہ عنوان :
مزید اہم خبریں
-
گیس و بجلی کی قیمتیں بڑھا کر صنعتوں کو تباہ کرنے کی کوشش کی جا رہی ہے. ڈاکٹر حفیظ پاشا
-
بھارتی انتخابات:پولنگ سات مراحل میں44دن جاری رہے گی‘ہرووٹرتک پہنچیں گے.چیف الیکشن کمشنر
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
نواز شریف آئندہ ماہ سعودی عرب جائیں گے،لندن بھی جانے کا فیصلہ
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.