کراچی ،ْڈپٹی ڈائریکٹر سرویش شیخ ایک ملزم سے بھاری رشوت طلب کرنے کے الزام پر معطل

انکوائری ٹیم کراچی پہنچ چکی ہے ،ْ روزانہ کی بنیاد پر انکوائری کا باقاعدہ آغاز کردیا گیا

جمعہ 15 دسمبر 2017 13:18

کراچی (اُردو پوائنٹ اخبارتازہ ترین - این این آئی۔ 15 دسمبر2017ء) قومی احتساب بیورو کراچی نے چیئرمین جسٹس جاوید اقبال کے حکم پر ڈپٹی ڈائریکٹر سرویش شیخ کو ایک ملزم سے بھاری رشوت طلب کرنے کے الزام پر معطل کر دیا ہے۔

(جاری ہے)

ترجمان کے مطابق چیئرمین کی جانب سے بھیجی جانے والی انکوائری ٹیم کراچی پہنچ چکی ہے اور روزانہ کی بنیاد پر انکوائری کا باقاعدہ آغاز کردیا گیا ہے۔ذرائع کے مطابق ڈپٹی ڈائریکٹر پر ملزم سکندر علی ابڑو سے ایک کروڑ روپے رشوت طلب کرنے کا الزام ہے ۔ترجمان کے مطابق انکوائری مکمل ہونے تک سرویش شیخ معطل رہیں گے۔