شہید بینظیر بھٹوکی برسی، سید خورشید شاہ کے وفاقی سیکرٹری ایوی ایشن، ایم ڈی پی آئی اے کو اضافی فلائٹس چلانے کیلئے خط

جمعرات 14 دسمبر 2017 23:02

اسلام آباد (اُردو پوائنٹ اخبارتازہ ترین - این این آئی۔ 14 دسمبر2017ء) قائد حزب اختلاف سید خورشید احمد شاہ نے وفاقی سیکریٹری ایوی ایشن ڈویژن اور ایم ڈی پی آئی اے کو خط تحریر کئے ہیں جن میں کہا گیا ہے کہ 27 دسمبر کو شہید محترمہ بینظیر بھٹو کی برسی پر اسپیشل فلائیٹس چلائی جائیں کیونکہ ملک بھر سے پیپلزپارٹی کے ورکرز اپنی محبوب قائد کی برسی میں شرکت کے لئے گڑھی خدا بخش آتے ہیں ،لہٰذا ہر سال کی طرح اس برسی پر بھی سپیشل فلائٹس کا انتظام کیا جائے جو کہ اس شیڈول کے مطابق ہوں ۔

(جاری ہے)

27 دسمبر کو دن گیارہ بجے اسلام آباد،سکھر براستہ لاہور فلائٹ ہو گی ۔واپسی سکھر،اسلام آباد براستہ لاہور (اسی روز) رات گیارہ بجے فلائٹ سے ہو گی ۔کراچی،سکھر 27 دسمبر کو دن 12 بجے اور واپسی سکھرکراچی اسی روزرات گیارہ بجے سپیشل فلائٹ ہو گی۔