نواز شریف ، آصف زرداری،مولانافضل الرحمن اور اُن کی پارٹیوں کا پاکستان کے سیاسی مستقبل میں کوئی کردار نہیں
یہ لوگ ماضی کا حصہ بن چکے آئندہ عام انتخابات میں تحریک انصاف روایتی سیاسی جماعتوں کو شکست دے گی ملک کا مستقبل عمران خان کی مخلص و ایماندار قیادت سے وابستہ ہے،پرانے نظام سے عوام نا اُمید ہو چکے تھے یہی وجہ ہے عوام نے نظام کی تبدیلی کیلئے پی ٹی آئی کو ووٹ دیا، صوبائی حکومت نے نظام کی تبدیلی کیلئے تاریخی اقدامات کئے جن کی بدولت انصاف فراہمی اور اداروں کی بحالی ممکن ہوئی ہے وزیراعلیٰ خیبرپختونخوا پرویز خٹک کی شمولیتی تقریب اور مختلف وفود سے گفتگو
جمعرات 14 دسمبر 2017 22:58
(جاری ہے)
صوبائی وزیر میاں جمشید الدین کاکا خیل نے بھی تقریب سے خطاب کیا جبکہ ضلع ناظم لیاقت خٹک کے علاوہ دیگر عوامی نمائندے بھی اس موقع پر موجود تھے ۔شمولیتی تقریب میں پی کی14 ڈاگئی خیل سے مولانا فضل الله، جنرل کونسلر مراد خان، جنرل کونسلر جمیل، وسیم خان،نیبر ہوڈ کونسل شاہ میر گڑھی سے شاہ زیب، جہانزیب ، وسیم زیب، مرتضیٰ، اردلی، ضیا محمداور دیگر ، نیبر ہوڈ کونسل دیار خیل سے ناظم ضیاء الله، عدنان ، حیدر زمان، طارق شاہ۔
ویلج کونسل گنڈھیر ی سے نیاز علی شاہ ، لیاقت علی شاہ ، ولایت شاہ ، ملک نور محمد ، فرزند علی شاہ ، عنایت الرحمن ، حیات خان اور دیگر نے اپنے خاندان اور ساتھیوں سمیت پاکستان تحریک انصاف میں شمولیت کا باضابطہ اعلان کیا۔پرویز خٹک نے پارٹی میں شامل ہونے والے افراد کا خیر مقدم کیا اور کہاکہ آئندہ انتخابات میں پاکستان تحریک انصاف بھاری اکثریت سے کامیاب ہو گی اور ملک پر اس کی حکمرانی کا راستہ ہموار ہو گا،اس ملک کو عمران خان جیسے وژن رکھنے والی قیادت کی ضرورت ہے،جبہم حکومت میں آئے تو نظام کی کمزوریوں کو دور کرکے خدمات کی فراہمی کے قابل بنایا ،صوبائی اداروںمیں سیاسی مداخلت کی حوصلہ شکنی کی تاکہ وہ عوامی توقعات کے مطابق ڈیلیو رکرنے کے قابل ہو سکیں۔ وزیراعلیٰ نے کہاکہ ماضی میں سیاسی مداخلت کی وجہ سے ادارے تباہ ہوئے اور نظام بیٹھ چکا تھا، صوبائی حکومت نے اصلاحات کے ذریعے تھانہ کلچر کو تبدیل کیا اور سب کو انصاف کی فراہمی یقینی بنائی ۔صوبائی اداروں میں میرٹ پر فیصلہ سازی کا کلچر متعارف کرایا ۔پرویز خٹک نے اپنی حکومت کا سابق حکومتوں سے موازنہ کرتے ہوئے کہا کہ آج خیبرپختونخوا ماضی کے مقابلے میں بہت بہتر ہے اور عوام ہماری اصلاحات سے خوش ہیں ۔اُن کی حکومت نے عوام کو خود غرض سیاستدانوں کی غلامی سے نجات دلائی کیونکہ ان سیاستدانوں نے عوام کو ہمیشہ اقتدار کے ایوانوں تک پہنچنے کیلئے استعمال کیا اور اقتدار میں آنے کے بعد عوام کا بری طرح استحصال کیا۔ وزیراعلیٰ نے کہاکہ ترقیافتہ اقوام کی ترقی کا بنیادی سبب یہی ہے کہ وہاں اداروں میں مداخلت نہیں کی جاتی ہم نے کبھی نہیں سنا کہ ترقیافتہ ممالک کے اداروں میں کسی نے مداخلت کی ہو ۔ ادارے اپنا کام کرتے ہیں اور عوامی نمائندے اپنے اصلی مینڈیٹ کے مطابق قانون سازی کی ذمہ داری نبھاتے ہیں۔ پرویز خٹک نے شعبہ صحت، تعلیم اور دیگر سماجی خدمات کے شعبوں میں اصلاحات کا ذکر بھی کیا اور کہا کہ اُن کی حکومت نے تمام اداروں کو قابل عمل ٹریک پر ڈال دیا ہے ۔ ہماری ریکارڈ قانون سازی کی وجہ سے بد عنوانی کی گنجائش کم سے کم رہ گئی ہے انہوں نے عوام سے کہاکہ وہ کرپشن فری پاکستان کیلئے تحریک انصاف کے پیغام کو سمجھیں اور آگے پھیلائیں۔مزید اہم خبریں
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.