جناح کیپ پہننے سے حلیہ بدل سکتا ہے سوچ نہیں ، عمران نیازی ذہنی طور پر طالبان ہیں ، جناح کیپ پہننے سے ان کی اصلیت نہیں بدل سکتی،پیپلز پارٹی کے رہنما سعید غنی کا عمران نیازی کے خطاب پر ردعمل کا اظہار

جمعرات 14 دسمبر 2017 22:33

اسلام آباد(اُردو پوائنٹ اخبارتازہ ترین - آئی این پی۔ 14 دسمبر2017ء) پاکستان پیپلز پارٹی کے رہنما سعید غنی نے کہا ہے کہ جناح کیپ پہننے سے حلیہ بدل سکتا ہے سوچ نہیں ، عمران نیازی ذہنی طور پر طالبان ہیں ، جناح کیپ پہننے سے اصلیت نہیں بدل سکتی۔ جمعرات کو کراچی میں عمران نیازی کے خطاب پر ردعمل کا اظہار کرتے ہوئے سعید غنی نے کہا کہ عمران نیازی کی کرپشن کے خلاف باتیں ڈرامہ ہے۔

(جاری ہے)

کرپشن کے خلاف بات کرنے سے پہلے انہیں چاہیے کہ اپنا گھر صاف کریں کیونکہ پی ٹی آئی میں ہر قسم کا چور، ڈاکواور کرپٹ آدمی پایا جاتا ہے۔ سعید غنی نے کہا کہ پاناما چور کے بعد اب چندہ چور کپتان کی باری ہے کیونکہ کوئی یہ بات ماننے کے لئے تیار نہیں کہ ان کی سابق بیوی نے انہیں قرضہ دیا۔ انہوں نے کہا کہ ایک چھوٹے سے فلیٹ سے ساڑھے تین سو کنال پر قائم پرکشش محل کیسے بن سکتا ہی انہوں نے کہا کہ دنیا بھر کے کھلاڑیوں نے ایسا محل نہیں بنایاجیسا عمران نیازی کا ہے۔ انہوں نے کہا کہ جس شخص کا کوئی ذریعہ آمدنی نہیںکس طرح شاہانہ زندگی گزار سکتا ہی ۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں