لاہور ہائیکورٹ میں منی لانڈرنگ میں ملوث 3 ملزموں کی عبوری ضمانت کی درخواست خارج کر دی

جمعرات 14 دسمبر 2017 21:43

لاہور (اُردو پوائنٹ اخبارتازہ ترین - آن لائن۔ 14 دسمبر2017ء) لاہور ہائیکورٹ میں منی لانڈرنگ میں ملوث 3 ملزموں کی عبوری ضمانت کی درخواست خارج کر دی۔ ایف آئی اے ملزمان کی فرار ہونے کی کوشش ناکام بنا دی ۔جسٹس ملک شہزاد احمد نے ملزم رفیق سپرا، ناصر محمود، نیاز احمد ملزموں کی ضمانت کی درخواست خارج کی۔۔

(جاری ہے)

وکیل ملزمان نے عدالت میں موقف اختیار کیا کہ ایف آئی اے نے منی لانڈرنگ کا بے بنیاد جھوٹا الزام عائد کیا ہے، ملزمان مقدمہ میں شامل تفتیش ہونا چاہتے ہیں مگر ایف آئی اے گرفتار کرنا چاہ رہی ہے،درخواستگرواں کے وکیل نے عدالت عالیہ سگ استدعا کی کہ ملزموں کی عبوری ضمانت منظور کی جائے۔

ایف آئی اے کے تفیشی افسر نے عدالت کو آگاہ کیا کہ ملزموں پر ساڑھے 7 کروڑ روپے کی منی لانڈرنگ کا الزام ہے جبکہ ملزموں کے قبضہ سے رقم بھی برآمد ہو چکی ہے۔تفتیشی افسر نے بتایا کہ ملزم مقدمہ میں شامل تفتیش نہیں ہو رہے،لہٰذا ملزموں کو مقدمہ میں شامل تفتیش کرنے کیلئے ضمانت کی درخواست خارج کی جائے،عدالت نے فریقین کے دلائل مکمل ہونے پر ملزمان کی درخواست ضمانت خارج کر دی۔ عدالتی حکم کے بعد ایف آئی اے نے ملزموں کو احاطہ عدالت سے گرفتار کر لیا۔