حکمرانوں نے ہر کسی کی زندگی مشکل بنا دی ہے کیونکہ وہ ویژن اور عوامی خدمت کے جذبے سے محروم ہیں، چودھری پرویزالٰہی
جمعرات 14 دسمبر 2017 21:15
(جاری ہے)
وفد میں خالد محمود چودھری، مہر صفدر علی، انجم رفیق، آمنہ الفت، نسیم الرحمن، سمعیہ یوسف، شہناز اقبال، سارہ شیراز اور رقیہ صدیقی شامل تھیں۔
وفد کے سربراہ اور دیگر ارکان کا کہنا تھا کہ آپ کے قائم کردہ تمام منصوبوں میں ویژن اور عوامی ترجیحات نمایاں دکھائی دیتی ہیں جبکہ ن لیگ کے حکمرانوں نے عوام کیلئے خود کچھ کیا ہے اور نہ این جی اوز کو کچھ کرنے دے رہے ہیں بلکہ آپ کے دور میں حاصل مراعات اور کام کرنے کے مواقع بھی ختم کر رہے ہیں۔ چودھری پرویزالٰہی نے کہا کہ ہماری سیاست کا محور ہمیشہ عام اور غریب آدمی رہا ہے اس لیے ہم نے محروم طبقوں کیلئے خصوصی فلاحی کام کیے، پنجاب میں میٹرک تک مفت تعلیم و کتابیں، ایمرجنسی میں مفت ادویات اور بچوں کیلئے وظیفہ مقرر کیا، چائلڈ لیبر کے حوالے سے قانون سازی کر کے بھیک مانگنے والے بچوں کیلئے ادارے بنائے جہاں انہیں تعلیم دی جاتی تھی، صرف لاہور میں بچوں سے بھیک منگوانے والے 14 گینگ پکڑ کر ان کو سزائیں دلوائیں، چائلڈ پروٹیکشن بیورو بنایا۔ انہوں نے کہا کہ ہم نے جو کام کیے وہ شہبازشریف نہ چاہتے ہوئے بھی جاری رکھنے پر مجبور ہیں، پولیو کا شکار بچوں کو مفت وہیل چیئر، سننے والے آلات، فری ٹرانسپورٹ فراہم کی، سپیشل بچوں کو سال میں چار مفت یونیفارم دی جاتی تھیں، ان کو پڑھانے کیلئے اساتذہ کی تنخواہیں دوگنا کر دیں، ریسکیو 1122 سروس کا آغاز کیا جو آج بھی بڑی کامیابی کے ساتھ جاری ہے۔ انہوں نے کہا کہ ہم نے جو بھی منصوبہ شروع کیا پہلے اس کے تمام پہلوئوں اور خدوخال کا جائزہ لیا پھر اسے شروع کیا۔ یہی وجہ تھی کہ ہمارے شروع کیے گئے منصوبے شہبازشریف بھی بند نہیں کر سکے۔ اس موقع پر سول سوسائٹی کے ارکان نے این جی اوز کو درپیش مشکلات سے آگاہ کیا۔ انہوں نے امید ظاہر کی کہ سول سوسائٹی کے مسائل کو ایوانوں میں اٹھایا جائے گا، ن لیگ کی حکومت کا این جی اوز کے ساتھ سلوک غیرقانونی ہے۔ انہوں نے کہا کہ چودھری پرویزالٰہی کے دور میں این جی اوز کو جو حقوق اور آزادی حاصل تھی ان کو ن لیگ نے یکساں ختم کر دیا ہے، حکومت کے ساتھ مل کر کام کرنے والی این جی اوز کو بھی محدود کر دیا گیا ہے جو کہ انسانی حقوق کے منافی ہے۔مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.