دہشت گرد کابل کے بجائے اسلام آباد کو نشانہ بنا سکتے ہیں، ریکس ٹلرسن

دہشت گردی کے خلاف پاکستان کو کامیاب ہوتے دیکھنا چاہتے ہیں،صحافیوں سے گفتگو

جمعرات 14 دسمبر 2017 20:52

دہشت گرد کابل کے بجائے اسلام آباد کو نشانہ بنا سکتے ہیں، ریکس ٹلرسن

واشنگٹن (اُردو پوائنٹ اخبارتازہ ترین - آن لائن۔ 14 دسمبر2017ء) امریکی وزیرخارجہ ریکس ٹلرسن نے کہا ہے کہ امریکا کی پاکستان سے کئی معاملات پر بات چیت جاری ہے جوکہ خوش آئند بات ہی.غیر ملکی خبر رساں ادا رے کے مطابق میڈیا سے گفتگو کرتے ہوئے ریکس ٹلرسن کا کہنا تھا کہ امریکا کو پاکستان کے استحکام کی فکر ہے اور پاکستان پر اپنی توقعات واضح کرنا چاہتے ہیں اور یہ بھی کہ دہشت گرد اب کابل کے بجائے اسلام آباد کو ہدف بنا سکتے ہیں.

(جاری ہے)

ریکس ٹلرسن نے کہا ہے کہ دہشت گردی کو جڑ سے اکھاڑنے کے لیے پاکستان سے مل کر مثبت انداز میں کام کر رہے ہیں جسے جاری رکھنا بھی چاہتے ہیں اور جس کے لیے پاکستان سے انٹیلی جنس معلومات کے تبادلے کیلئے بھی تیار ہیں.ریکس ٹلرسن نے کہا کہ دہشت گردی کے خلاف پاکستان کو کامیاب ہوتے دیکھنا چاہتے ہیں لیکن موجودہ حالات میں پاکستان سے بات آگے نہیں بڑھ پا رہی ہے تاہم امریکا امن کی مکمل بحالی کے لیے افغانستان میں مقیم رہے گا جہاں طالبان مذاکرات کر کے افغان حکومت میں شامل ہوسکتے ہیں