تکذیب نکاح کیس میں میرا کی والدہ نے عدالت میں پیش ہو کر گواہی دینے سے انکار کر دیا

عتیق الرحمن کے وکیل کو سیکرٹری یونین کونسل کے بیان پر جرح مکمل کرنے کے احکامات ،سماعت آج تک ملتوی

جمعرات 14 دسمبر 2017 18:01

لاہور(اُردو پوائنٹ اخبارتازہ ترین - این این آئی۔ 14 دسمبر2017ء) تکذیب نکاح کیس میں میرا کی والدہ نے عدالت میں پیش ہو کر گواہی دینے سے انکار کر دیا۔ گزشتہ روز فیملی کورٹ میں ادکارہ میرا کے تکذیب نکاح کیس کی سماعت ہوئی۔میرا نے اپنی والدہ کو تکذیب نکاح کیس میں بطور گواہ نامزد کیا تھا۔

(جاری ہے)

میرا کی والدہ کا کہنا تھا کہ وہ بیٹی کے نکاح کے متعلق عدالت پیش ہو کر گواہی نہیں دے سکتیں۔ کیس کی سماعت کے دوران عتیق الرحمن کے وکیل نے موقف اختیار کیا کہ میرا کا عتیق الرحمن سے نکاح حقائق پر مبنی ہے جس پر عدالت نے عتیق الرحمن کے وکیل کو سیکرٹری یونین کونسل کے بیان پر جرح مکمل کرنے کے احکامات دیدیئے۔ اداکارہ میرا کے تکذیب نکاح کیس کی سماعت آج جمعہ تک تک ملتوی کر دی گئی۔